13.04.2026 | 20:22
Մրցաշրջանի ամենագեղեցիկ գոլերից մեկը՝ ռաբոնա հարվածով․ ՏԵՍԱՆՅՈՒԹ
Եթե աշխարհի լավագույն համալսարաններից դասախոս գա, դաս տա ՀՀ-ում, աշխատավարձի 70 %-ը կսուբսիդավորենք․ ՏԵՍԱՆՅՈՒԹ
Տնտեսություն
01.11.2022 | 11:44
«Մասնավոր բիզնեսին սուբսիդավորում են, եթե նա օտարերկրյա մասնագետի է հրավիրու․ ինձ համար անհասկանալի է՝ ինչու պետք է պետությունը հենց այդ հատվածով սուբսիդավորի, թող բիիզնեսն ինքը որոշի՝ որ մասնագետն է իր համար լավը և շատ վճարի։ Եվ ի՞նչ է նշանակում օտարերկրյա քաղաքացի»,-այս մասին այսօր ԱԺ տնտեսական հարցերի ու ֆինանսավարկային և բյուջետային հարցերի մտական հանձնաժողովների համատեղ նիստում 2023թ․ պետական բյուջեի նախագծի քննարկման ժամանակ դիմելով ՀՀ էկոնոմիկայի նախարար Վահան Քերոբյանին՝ հետաքրքրվեց «Քաղաքացիական պայմանագիր» խմբակցության պատգամավոր Հովիկ Աղազարյանը։
Քերոբյանը պարզաբանեց․ «Օտարերկրյա մասնագետ ասելով՝ նկատի չունենք օտարերկրյա քաղաքացիներին, այլ նկատի ունենք վերջին մի քանի տարիներին Հայաստանում քիչ ապրած այն մարդկանց, որոնք իրենց վերջին աշխատանքային փորձը ձեռք են բերել արտերկրում։
Օտարերկրյա բարձրակարգ ընկերություններում փորձ ուեցող մարդիկ իրենց փորձը կբերեն, կներդնեն Հայաստանում և հայկական ընկերությունները կդրաձնեն ավելի մրցունակ։
Մյուս բաղադրիչը գիտական կոչում ունեցող, աշխարհի 400 լավագույն համալսարաններից մեկն ավարտած մասնագետների ներգրավումն է, դա կապահովի գիտելիքի բաղադրիչի ավելացումը մեր ընկերություններում։ Սա դիտարկում ենք որպես մրցունակության ապահովման կարևոր բաղադրիչ։ Եթե, օրինակ, աշխարհի լավագույն համալսարաններից դասախոս գա, դաս տա ՀՀ-ում, նրա աշխատավարձի 70 %-ը կսուբսիդավորենք»։
Մանրամասները՝ տեսանյութում։
