18.08.2026 | 15:01
Կարեն Բրուտյանն ու Հնդկաստանի պաշտպանության քարտուղարը քննարկել են ռազմատեխնիկական համագործակցությունը
Մինսկում Ուկրաինայի դրոշը բարձրացնելու համար 6 մարդ է բերման ենթարկվել
Քաղաքականություն
31.10.2022 | 20:40
Մինսկում Ուկրաինայի դրոշն ի նշան բողոքի ծածանելու համար 6 բելառուս է բերման ենթարկվել։ Այս մասին հայտնել է երկրի ՆԳՆ-ն, գրում է EUDaily-ն։
«Մինսկի Մոսկովսկի շրջանում հոկտեմբերի սկզբին անհայտ անձինք էլեկտրահաղորդման գծերի սյան վրա կախել են սպիտակ-կարմիր-սպիտակ կտոր և Ուկրաինայի դրոշը: Օպերատիվ գործողությունների ընթացքում ոստիկանության աշխատակիցները բերման են ենթարկել Մինսկում բնակվող 34-ից 36 տարեկան վեց տղամարդու։ Մեղադրյալների խոսքով՝ բողոքի ակցիա անցկացնելու որոշումը կայացվել է համատեղ։ Նրանցից մեկը լուսանկարել է դրոշն ու ուղարկել այն՝ սոցցանցերի ծայրահեղական խմբերում տեղադրելու համար»,-ասված է հայտարարության մեջ։
ՆԳՆ-ի հայտարարությամբ՝ «Բելառուսում շարունակվում է արմատական տարրերի մաքրումը։ Հանրապետության իշխանությունները քաղաքացիներին զգուշացնում են բողոքի ակցիաների անօրինականության և դրանց հաջորդող վարչական և քրեական պատասխանատվության մասին»։
