25.06.2026 | 22:47
Հայաստանը և Իրանը կարևորել են 400 կՎ էլեկտրահաղորդման գծի շուտափույթ ավարտը
Պեսկովը հայտարարել է, որ առանց ՌԴ-ի՝ հացահատիկային գործարքը ռիսկային բնույթ է ստանում
Քաղաքականություն
31.10.2022 | 21:56
Հացահատիկի գործարքի իրականացումն առանց Ռուսաստանի մասնակցության, դժվար թե, հնարավոր լինի, այն ավելի ռիսկային բնույթ է ստանում։ Այս մասին լրագրողներին հայտնել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Այն պայմաններում, երբ Ռուսաստանը խոսում է նշյալ տարածքներում նավագնացության անվտանգության երաշխավորման անհնարինության մասին, բնականաբար, նման գործարքը դժվար թե իրագործելի լինի, և դա ձեռք է բերում այլ բնույթ՝ շատ ավելի ռիսկային, վտանգավոր և չերաշխավորված»,-ասել է Պեսկովը։
Նա պնդել է, որ «հենց Կիևն է գործարքը կասկածի տակ դրել»։ Մեկնաբանելով առանց Ռուսաստանի մասնակցության հացահատիկի գործարքի իրականացումը շարունակելու Թուրքիայի մտադրությունը՝ Պեսկովը նշել է, որ Մոսկվան ՌԴ ԱԳՆ-ի և այլ գերատեսչությունների միջոցով շարունակում է շփումները Անկարայի և ՄԱԿ-ի հետ։ Միաժամանակ, նա չի նշել Մոսկվայի պայմանները գործարքի երկարաձգման համար։
«Պատրաստ չեմ դեռ պատասխանել այդ հարցին, այն պարզ չէ»,-ասել է Կրեմլի խոսնակը՝ հավելելով, որ Ռուսաստանը պատրաստ է փոխհատուցել ամենաաղքատ երկրներին հացահատիկի ծավալների անկման համար՝ հացահատիկի գործարքին մասնակցության կասեցումից հետո, սակայն կոնկրետ միջոցներ դեռ պետք է մշակվեն։
Էմմա Չոբանյան
