09.10.2026 | 13:57
imID-ում քննարկվել են Հայաստանի թվային ինքնության համակարգի զարգացման ուղղությունները
Եվրոպայի թուլացումը հակասում է Թուրքիայի շահերին․ Չավուշօղլու
Քաղաքականություն
31.10.2022 | 21:11
Թուրքիայի ԱԳ նախարար Մևլութ Չավուշօղլուն հայտարարել է, որ Թուրքիան եվրոպական մայրացամաքի մաս է կազմում, իսկ Եվրոպայի թուլացումը հակասում է Անկարայի տնտեսական շահերին, գրում է Անադոլու գործակալությունը։ Այս մասին Չավուշօղլուն հայտարարե է Աքդենիզ համալսարանում ակադեմիական տարվա բացման միջոցառման ժամանակ։
Նրա խոսքով՝ Արևմուտքի և Ռուսաստանի միջև մրցակցությունը հասել է իր գագաթնակետին վերջին 30 տարում, իսկ Ռուսաստանի և Ուկրաինայի միջև պատերազմը դարձել է մեծ շրջադարձային կետ։
«Արդեն խոսակցություններ են գնում մարտավարական միջուկային զենքի կամ զանգվածային ոչնչացման զենքի, այսպես կոչված «կեղտոտ ռումբերի» կիրառման մասին։ Կարելի է խոսել համաշխարհային ճգնաժամի պարույրի մասին։ Կան բազմաթիվ ճգնաժամեր, որոնք կերակրում են միմյանց: Խորանում են գլոբալ խնդիրները, ինչպիսիք են տնտեսական ճգնաժամը, համաշխարհային գնաճը, բնապահպանական խնդիրները, ահաբեկչությունը, իսլամաֆոբիան, անօրինական միգրացիան, ինչպես նաև տարածաշրջանային խնդիրները, ինչպիսիք են քաղաքացիական պատերազմները, հեղաշրջումները, այլատյացությունը»,- ասել է նա։
Չավուշօղլուն նշել է, որ այսօր միջազգային համակարգը հիմնարար փոփոխությունների է ենթարկվում։ «Թուրքիան վարում է հավասարակշռված, ակտիվ և բարեխիղճ արտաքին քաղաքականություն, ինչը թույլ է տվել երկրին տարածաշրջանային դերակատարից վերածվել գլոբալ ուժի»,- ասել է նա։
«Եթե մենք եվրոպական մայրցամաքի մաս ենք՝ մենք, որպես տարածաշրջանային ուժ և գլոբալ դերակատար, պետք է մեր ներդրումն ունենանք այս մայրացամաքում ճգնաժամերի հաղթահարման գործում։ Կան բազմաթիվ առիթներ Եվրոպային քննադատելու՝ երկակի ստանդարտներ, կեղծավորություն, կարճատեսություն, կարելի է էլի թվարկել։ Սակայն Եվրոպայի թուլացումը, որպես մայրցամաքի Թուրքիայի շահերից չի բխում, այն հակասում է մեր տնտեսական շահերին։ Եվրոպայի կայունությունը բոլորիս համար կարևոր է»,-ասել է Թուրքիայի ԱԳ նախարարը։
Էմմա Չոբանյան
