23.03.2026 | 17:53
ՀԹՖ նախագահը Գդանսկում մասնակցել է Tennis Europe-ի տարեկան ընդհանուր ժողովին
Կարծում եմ՝ հայտարարություն կլինի․ Ալեն Սիմոնյանը՝ Սոչիի հանդիպման սպասվող արդյունքի մասին․ՏԵՍԱՆՅՈՒԹ
Քաղաքականություն
31.10.2022 | 14:05
Սոչիի հանդիպման արդյունքում հայտարարություն է սպասվում․ խորհրդարանում Factor.am-ի հարցին ի պատասխան հայտնեց ԱԺ նախագահ Ալեն Սիմոնյանը։
«Այո՛, կարծում եմ՝ հայտարարություն կլինի, որովհետև այդպիսի միջոցառումները մշտապես ավարտվում են ինչ-որ հայտարարությամբ, եթե հայտարարություն չլինի, դա կնշանակի, որ Ռուսաստանի կազմակերպած հանդիպումը չստացվեց։
Ապագա հնարավոր փաստաթուղթ այս ամբողջ գործընթացի մեջ, որ կարող է լինել, դա կարող է լինել միայն խաղաղության պայմանագրի ինչ-որ տարբերակ, որը հիմնված կլինի տարածքային ամբողջականության վրա՝ միջազգային բոլոր նորմերի հիման վրա․․․ Դեռևս որևէ փաստաթուղթ չկա»,- նշեց Սիմոնյանը։
ԱԺ նախագահի խոսքով՝ ՀՀ-ն պատրաստ է ամեն ինչ անել ՀՀ և Արցախի ժողովրդի անվտանգության համար․ «Հայտնի խոսք կա, ասում են՝ ես պատրաստ եմ նույնիսկ սատանայի հետ պայմանագիր կնքել, միայն թե Արցախի և ՀՀ ժողովուրդն ավտանգ լինի, մեր սահմաններն անվտանգ լինեն»։
Հիշեցնենք, Ռուսական կողմի նախաձեռնությամբ այսօր Սոչիում սպասվում է Ռուսաստանի նախագահ Վլադիմիր Պուտինի, Հայաստանի վարչապետ Նիկոլ Փաշինյանի և Ադրբեջանի նախագահ Իլհամ Ալիևի հանդիպումը։ Հայաստանի վարչապետն արդեն Սոչիում է։ Մինչ եռակողմը հանդիպումը Պուտինը առանձին հանդիպումներ կունենա Նիկոլ Փաշինյանի և Իլհամ Ալիևի հետ:
Մանրամասները՝ տեսանյութում։
