09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Առաջարկվել է առավել արդյունավետ օրենսդրական մեխանիզմներ սահմանել նպաստառուների կողմից իրենց իրավունքների արդյունավետ իրացման համար
Հասարակություն
28.10.2022 | 11:26
Հերիքնազ Տիգրանյանի նախագահությամբ հոկտեմբերի 27-ին ԱԺ աշխատանքի եւ սոցիալական հարցերի մշտական հանձնաժողովում տեղի է ունեցել նպաստի համակարգում առկա խնդիրների վերաբերյալ աշխատանքային քննարկում, որին մասնակցել են ՀՀ աշխատանքի եւ սոցիալական հարցերի նախարար Նարեկ Մկրտչյանը, Միասնական սոցիալական ծառայության (ՄՍԾ) պետ Էդուարդ Պետրոսյանը եւ ՄՍԾ-ի պետի տեղակալ Անի Չիլինգարյանը․ տեղեկացնում են ՀՀ ԱԺ-ից։
Հանձնաժողովի անդամները բարձրացրել են պետական նպաստների համակարգում առկա վարչարարության խնդիրները, մասնավորապես, նպաստառուի հաշվառման եւ փաստացի բնակության հասցեների անհամապատասխանության, հասցեի փոփոխության դեպքում տարածքային կենտրոններին տեղեկացնելու պարտավորության չիմացության կամ այլ հիմքերով նպաստի իրավունքի դադարեցման հետ կապված հարցերը:
Նախարարության ներկայացուցիչները ներկայացրել են ՄՍԾ տարածքային կենտրոնների կողմից վերջին մեկ տարվա ընթացքում կատարած աշխատանքը եւ վերհանած խնդիրները, որոնք հիմնականում պայմանավորված են համապատասխան էլեկտրոնային շտեմարանների բացակայությամբ: Պատգամավորների կողմից առաջարկվել է առավել արդյունավետ օրենսդրական մեխանիզմներ սահմանել նպաստառուների կողմից իրենց իրավունքների արդյունավետ իրացման համար:
Քննարկման ընթացքում անդրադարձ է եղել նաեւ ոլորտին վերաբերող այլ հարցերի, որոնք արձանագրվել են պատգամավորների կողմից քաղաքացիների ընդունելությունների ժամանակ:
