21.04.2026 | 12:05
ԱԺ առողջապահության հարցերի հանձնաժողովի նիստը՝ ՈՒՂԻՂ
Ռուսաստանը սպառնում է խոցել արևմտյան կոմերցիոն արբանյակները
Քաղաքականություն
27.10.2022 | 18:28
Ռուսաստանը զգուշացրել է, որ կարող է հարվածներ հասցնել ԱՄՆ-ի և արևմտյան այլ երկրների առևտրային արբանյակներին, եթե դրանք օգտագործվեն պատերազմում Ուկրաինային օգնելու համար, գրում է DW-ի ռուսական ծառայությունը։
«Այդ արբանյակները քվազիքաղաքացիական ենթակառուցվածք են, հետևաբար, կարող են լինել որպես պատասխան հարվածի օրինական թիրախ»,- ՄԱԿ-ի Գլխավոր վեհաժողովի զինաթափման հարցերի հանձնաժողովի նիստում այս մասին հայտարարել է ՌԴ ԱԳՆ Զենքի չտարածման և վերահսկման վարչության պետի տեղակալ Կոնստանտին Վորոնցովը։
Բացի այդ, Վորոնցովը մեղադրել է Արևմուտքին այն բանում, որ ԱՄՆ-ի գլխավորությամբ օգտագործվում է «տիեզերական տարածությունը ռազմական նպատակներով՝ ապահովելու իրենց գերակայությունը, բացասաբար ազդելով խաղաղության և անվտանգության վրա և տիեզերքը, որպես հակամարտության գոտի դնելու համար»։
Հավելենք, որ Ուկրաինա ռուսական ներխուժման մեկնարկից և ուկրաինական քաղաքացիական օբյեկտների վրա հարձակումներից հետո պատերազմական գոտում գործող միակ կապի համակարգը Starlink-ն է, որն ազդանշան է տալիս բազմաթիվ արբանյակների միջոցով։ Ուկրաինային Starlink արբանյակներ մատակարարող SpaceX-ի հիմնադիր Իլոն Մասկը շեշտել է, որ ռուսական բանակը փորձում է ոչնչացնել նաև այս համակարգը։
Էմմա Չոբանյան
