Պուտինը մտադիր է շարունակել պատերազմը․ ISW

Ռուսաստանի նախագահ Վլադիմիր Պուտինի հռետորաբանությունը ցույց է տալիս, որ նա լրջորեն շահագրգռված չէ Ուկրաինայի հետ խաղաղ բանակցություններով և մտադիր է շարունակել պատերազմը՝ պահպանելով առավելապաշտական նպատակները, գրում են Պատերազմի ուսումնասիրման ամերիկյան ինստիտուտի (ISW) վերլուծաբանները։

Նախօրեին ԱՊՀ երկրների անվտանգության գերատեսչությունների ներկայացուցիչների հետ հանդիպմանը Պուտինը հայտարարել է, թե Ուկրաինան «կորցրել է իր ինքնիշխանությունը»։ Նրա կարծիքով՝ ԱՄՆ-ն Ուկրաինային օգտագործում է Ռուսաստանի, Ռուսաստանի և Բելառուսի միութենական պետության, ՀԱՊԿ-ի և ԱՊՀ-ի դեմ։

Պետդումայի խոսնակ Վյաչեսլավ Վոլոդինն իր հերթին հայտարարել է, թե «Ուկրաինան կորցրել է որպես պետություն գոյատևելու ունակությունը», «օկուպացված է ՆԱՏՕ-ի կողմից» և «դարձել է Միացյալ Նահանգների գաղութը»։ Նման բառապաշարն անհամատեղելի է հրադադարի համար հավասար հիմունքներով բանակցությունների հետ և Ռուսաստանի սկսած հակամարտության խաղաղ կարգավորման հետ, գրում է ISW-ն։ Ընդհակառակը, դա հուշում է, որ Կրեմլը դեռ ձգտում է ռազմական հաղթանակի Ուկրաինայում և վարչակարգի փոփոխության  Կիևում, ինչը, ինչպես նա է մտածել, կվերակողմնորոշի Ուկրաինան Արևմուտքից դեպի Ռուսաստան: Սա նաև ցույց է տալիս, որ Պուտինի նպատակները դուրս են գալիս ուկրաինական տարածքից, որի բռնակցման մասին նա հայտարարել է, չխոսելով այն տարածքների մասին, որոնք իրականում վերահսկում են ռուսական զորքերը, եզրակացնում են վերլուծաբանները:

Տաթև Ֆռանգյան