17.12.2025 | 20:23
Նազիկ Ավդալյան․ Քաղաքականությամբ զբաղվելու նպատակ չունեմ
Ռուսաստանը պատրաստվում է քանդել Կախովսկայա հիդրոէլեկտրակայանի ամբարտակը և դրա մեջ մեղադրել Կիևին. ISW
Քաղաքականություն
20.10.2022 | 17:49
Հերթական ամենօրյա զեկույցում Պատերազմի ուսումնասիրման ամերիկյան ինստիտուտի (ISW) փորձագետները վերլուծել են ռուս պաշտոնյաների հայտարարությունները Խերսոնի շրջանում իրավիճակի վերաբերյալ՝ գալով այն եզրակացությանը, որ Մոսկվան, ըստ երևույթին, սկսում է նախօրոք տեղեկատվական ֆոն ստեղծել՝ արդարացնելով ծրագրված նահանջը և Խերսոնի շրջանի հսկայական տարածքների կորուստը։
Վերլուծական կենտրոնը նշում է, որ ակնհայտ է, որ ռուսական ռազմական հրամանատարությունը դասեր է քաղել Խարկովի մարզում ուկրաինական հակահարձակման ժամանակ նախկին տեղեկատվական և օպերատիվ ձախողումներից և, հետևաբար, նախօրոք փորձում է նվազագույնի հասցնել ուկրաինական հերթական հաջող հարձակումը հետ մղելու իր ձախողումների հետևանքները, կարծում են վերլուծաբանները։
Կախովսկայա հիդրոէլեկտրակայանի ամբարտակի վրա Ուկրաինայի զինված ուժերի կողմից իբր նախապատրաստված հարձակման մասին նախօրեին արված հայտարարությունները նպատակ ունեն տեղեկատվական քող ապահովելու ռուսական զորքերի կողմից ամբարտակի ոչնչացման և հետո դրանում Ուկրաինային մեղադրելու համար, կարծում են ամերիկացի փորձագետները։
Նրանց կարծիքով՝ Կրեմլը կարող է փորձել օգտագործել այդ սադրանքը, որպեսզի խլացնի ռուսական զորքերի երրորդ ստորացուցիչ նահանջի մասին լուրերը։ Նման սադրանքը կարող է ներկայացվել որպես Կրեմլի այն կեղծ թեզի հերթական «հաստատումը», թե Ուկրաինան ահաբեկչական պետություն է, որը միտումնավոր հարվածներ է հասցնում խաղաղ բնակչությանը, ասվում է զեկույցում։
