09.10.2026 | 22:57
Կարո՞ղ է Իսրայելը բաժանել Բաքվին և Անկարային․ ինչի կարող են հանգեցնել վերջին հակասությունները․ BBC-ի անդրադարձը
ՀՀ նախագահի հրամանագրերով պարգևատրվել են մշակույթի և արվեստի ոլորտների մի շարք երախտավորներ
Հասարակություն
19.10.2022 | 12:21
Անկախության տոնի առթիվ մշակույթի և արվեստի բնագավառներում ունեցած վաստակի համար մի խումբ երախտավորներ արժանացել են պետական պարգևների և կոչումների․ տեղեկացնում են ՀՀ ԿԳՄՍՆ-ից։
Այսպես՝ Հայաստանի Հանրապետության մշակույթի վաստակավոր գործչի պատվավոր կոչում է շնորհվել Երևանի Կոմիտասի անվան պետական կոնսերվատորիայի կատարողական արվեստի պատմության և տեսության ամբիոնի պրոֆեսոր, արվեստագիտության դոկտոր Իրինա Զոլոտովային, Հայկական ազգային կինոակադեմիայի անդամ, կինոգետ Ռոբերտ Մաթոսյանին և Գ. Սունդուկյանի անվան ազգային ակադեմիական թատրոնի տնօրեն, դերասան Վարդան Մկրտչյանին:
Անկախության տոնի առթիվ մշակույթի զարգացման գործում ներդրած նշանակալի ավանդի համար «Մովսես Խորենացու» մեդալով են պարգևատրվել Հայաստանի կոմպոզիտորների միության նախագահ, Երևանի Կոմիտասի անվան պետական կոնսերվատորիայի պրոֆեսոր Արամ Սաթյանը և քանդակագործ Հայկ Թոքմաջյանը:
Անկախության տոնի առթիվ արվեստի բնագավառում ունեցած վաստակի համար Հայաստանի Հանրապետության արվեստի վաստակավոր գործչի պատվավոր կոչում է շնորհվել կոմպոզիտոր, դիրիժոր Կոնստանտին Պետրոսյանին, Երևանի Կոմիտասի անվան պետական կոնսերվատորիայի ջազ-փոփ երաժշտության ամբիոնի վարիչ, պրոֆեսոր Նարինե Զարիֆյանին և Գ. Սունդուկյանի անվան ազգային ակադեմիական թատրոնի գլխավոր նկարիչ Գարեգին Եվանգուլյանին:
