19.12.2025 | 18:47
Եթե մեզ հարգանքով վերաբերվեք, որևէ գործողություն չի լինի. Պուտինը՝ նոր պատերազմի հնարավորության մասին
Ռուսաստանում առաջին քրեական գործն է հարուցվել օտարերկրացիների հետ համագործակցության հոդվածով
Քաղաքականություն
18.10.2022 | 21:51
Մոսկվայի Լեֆորտովոյի շրջանային դատարանը մինչև դեկտեմբերի 14-ը կալանք է սահմանել ՌԴ քաղաքացի Պավել Պիշուլինի նկատմամբ, որը կասկածվում է օտարերկրյա պետության հետ գաղտնի հիմունքներով համագործակցության հոդվածով, գրում է Meduza-ն։
Ըստ պարզաբանման՝ սա առաջին հայտնի քրեական գործն է, որը հարուցվել է Ռուսաստանի Դաշնության Քրեական օրենսգրքի 275.1 հոդվածով՝ 2022 թվականի հուլիսին։
Սույն հոդվածը նախատեսում է 3-ից 8 տարի ժամկետով ազատազրկում՝ օտարերկրյա պետության, միջազգային կամ օտարերկրյա կազմակերպության հետ գաղտնի համագործակցության համար՝ առանց պետական դավաճանության նշանների։
ՏԱՍՍ-ը հայտնում է, որ Պիշուլինին նախկինում դատապարտել են համացանցում ծայրահեղականություն հրահրելու և հավատացյալների զգացմունքները վիրավորելու մեղադրանքով։ Առաջին մեղադրանքով նա դատապարտվել է երկու տարվա պայմանական, իսկ երկրորդի դեպքում՝ 180 ժամ հարկադիր աշխատանքի։
Տաթև Ֆռանգյան
