27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
Կրասնոդարի երկրամասում Սու-34 ռազմական ինքնաթիռի կործանման հետևանքով մարդկային կորուստների թիվը հաշվվում է տասնյակներով
Քաղաքականություն
18.10.2022 | 11:55
Արդեն հայտնել էինք, որ Ռուսաստանի Կրասնոդարի երկրամասի Եյսկ քաղաքում երկուշաբթի երեկոյան ռազմական ինքնաթիռ է կործանվել։ Այն ընկել է բնակելի շենքի անմիջական հարևանությամբ։ Թեև օդաչուներին հաջողվել է փրկվել, սակայն շենքը հրդեհվել է, ինչի հետևանքով զոհերի թիվն, ըստ վերջին տվյալների, հասել է 13-ի, նրանց թվում 3 երեխա կա, ևս 19 քաղաքացի վիրավորվել է։ Տվյալները հայտնել է Ռուսաստանի առողջապահության նախարարի օգնական Ալեքսեյ Կուզնեցովը, գրում է DW-ի ռուսական ծառայությունը։ Մինչ այս ՌԴ ԱԻ նախարար Ալեքսանդր Կուրենկովը հայտնել էր, որ Սու-34-ի ընկնելուց հետո պայթյուն չի եղել և հրդեհի պատճառ է դարձել վառելիքի արտահոսքը։
Ռուսաստանի պաշտպանության նախարարության հայտարարության մեջ ասվում է, որ Սու-34-ը կործանվել է ուսումնական թռիչքի ժամանակ շարժիչներից մեկի բռնկման պատճառով։
Տաթև Ֆռանգյան
