08.06.2026 | 02:44
ԿԸՀ-ն դեռ տվյալներ չի հայտնել, ինչպե՞ս եք ասում, որ հաղթել եք. Factor TV-ի հարցը` Փաշինյանին․ ՏԵՍԱՆՅՈՒԹ
Կրասնոդարի երկրամասում «Սու-34»-ն ընկել է բնակելի շենքի վրա. հրդեհի տարածքը 2000 ք/մ է
Քաղաքականություն
17.10.2022 | 21:51
Եյսկում բնակելի շենքի վրա Սու-34 ռազմական ինքնաթիռ է ընկել: Այս մասին հայտնում է ԻՆՏԵՐՖԱՔՍ-ը՝ հղում անելով քաղաքի միասնական դիսպետչերական ծառայությանը։
Բնակելի շենքը ինը հարկանի է։
Ռուսաստանի պաշտպանության նախարարությունն ավելի ուշ հաստատել է, որ ինքնաթիռը ընկել է բնակելի շենքի վրա։ Գործակալության տվյալներով՝ ինքնաթիռը կործանվել է ուսումնական թռիչքի բարձրանալիս։ Վթարի պատճառը եղել է շարժիչներից մեկի բռնկումը թռիչքի ժամանակ։
Նախնական տվյալներով` երկու մարդ մահացել է, 15-ը՝ վիրավորվել։
Կուբանի ԱԻՆ գլխավոր տնօրինության տվյալներով՝ հրդեհի տարածքը կազմում է մոտ 2 հազար քառակուսի մետր։ Հերթապահ-դիսպետչերական միասնական ծառայությունից հայտնել են, որ փլուզվել են իններորդից հինգերորդ հարկերի առաստաղները։ Ամբողջ մուտքը հրդեհվել է, մոտ 45 բնակարան այս կամ այն չափով վնասվել է։
Բնակելի շենքի վրա ինքնաթիռի վթարի փաստով ՌԴ Քննչական կոմիտեում քրեական գործ է հարուցվել։
