01.07.2026 | 09:33
Սյունիքում փրկարարները փրկել են վիրավոր սպիտակագլուխ անգղի
Թուրքիան այսօր Եվրոպա գազի մատակարարման ամենահուսալի ուղին է․ Պուտինը՝ Էրդողանին
Քաղաքականություն
13.10.2022 | 16:36
Թուրքիան այսօր Եվրոպա գազի մատակարարման ամենահուսալի ուղին է։ Այս մասին հայտարարել է ՌԴ նախագահ Վլադիմիր Պուտինը, գրում է Ինտերֆաքսը։
«Մեր ածխաջրածինների մատակարարումը, այդ թվում՝ գազը, ամբողջ ծավալով է։ Ձեր խնդրանքին համապատասխան՝ մենք նաև Թուրքիայի տարածքով տարանցում ենք իրականացնում եվրոպական երկրներ։ Թուրքիան այսօր դարձել է ամենահուսալի ուղին Եվրոպա գազի մատակարարման համար՝ «Թուրքական հոսք» գազային համակարգի կառուցման հարցում Ձեր հաստատակամ դիրքորոշման շնորհիվ»,- ասել է Պուտինը Աստանայում Թուրքիայի նախագահ Ռեջեփ Թայիփ Էրդողանի հետ հանդիպմանը՝ հավելելով․ «Չնայած, ինչպես լսեցինք, նրանք փորձեցին պայթեցնել այն, բայց, փառք Աստծո, դա տեղի չունեցավ, և այն հաջողությամբ է աշխատում»։
Հիշեցնենք՝ հոկտեմբերի սկզբին Ռուսաստանի Դաշնության նախագահը հայտարարել էր, որ Ուկրաինայի իշխանությունները փորձում են խարխլել «Թուրքական հոսքի» հատվածներից մեկը։
Տաթև Ֆռանգյան
