23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
ՌԴ-ում կարծում են, որ Թուրքիայում գազային հանգույցի ստեղծման համար համաձայնություն է պետք ԵՄ բարեկամ երկրների հետ
Քաղաքականություն
13.10.2022 | 17:03
Թուրքիայում գազային հանգույցի ստեղծումը կարող է ուղեկցվել Եվրոպայի բարեկամ երկրների հետ մատակարարումների շուրջ պայմանավորվածություններով։ Այս մասին հայտարարել է ՌԴ էներգետիկայի նախարար Նիկոլայ Շուլգինովը «Ռուսաստանի էներգետիկ շաբաթվա» նիստի ընթացքում, գրում է ՏԱՍՍ-ը։
«Նախագահը երեկ խոսեց Թուրքիայում գազային խոշոր հանգույցի ստեղծման մասին։ Նախ անհրաժեշտ է կենտրոնանալ նախագծի ուղղությամբ, գնահատել դրա պայմաններն ու նշանակությունը։ Կարծում եմ, որ պայմանավորվածություն է պետք ոչ միայն թուրքական կողմի հետ, քանի որ այն ստեղծում ենք ոչ միայն թուրքական կողմի համար, այլև Եվրոպայի։ Դրա համար անհրաժեշտ է հասկանալ դրա նշանակությունը եվրոպացի սպառողների ու բարեկամ երկրների համար»,- ասել է պաշտոնյան։
Հավելենք, որ նախօրեին ՌԴ նախագահ Վլադիմիր Պուտինը խոսել էր Թուրքիայում գազային խոշորագույն հանգույցը ստեղծելու մասին՝ Եվրոպա մատակարարումների համար։
««Հյուսիսային հոսք»-երով, Բալթիկ ծովի հատակով տարանցման կորցրած ծավալը մենք կարող ենք նաև փոխանցել Սև ծովի շրջան՝ այդպիսով մեր վառելիքի, Եվրոպա մեր բնական գազի հիմնական երթուղին Թուրքիայով անել՝ այդ երկրում ստեղծելով Եվրոպայի համար խոշորագույն գազային հանգույցը»,- ասել էր Պուտինը։
Էմմա Չոբանյան
