Քննարկվել է ՎԶԵԲ-ի հնարավոր աջակցությունը Հայաստանի կրթության ոլորտի բարեփոխումներին

12.10.2022 | 18:14

Լուրեր

11.12.2025 | 20:30

«Հարսնաքար»-ը, Գասպարյանի առանձնատունը, Միքայելյանի տնակը․ Սևանի ափի որ գույքերը կքանդի պետությունը․ ՏԵՍԱՆՅՈւԹ

11.12.2025 | 20:28

Հայաստանը ստիպված կլինի ընտրություն կատարել ԵՄ-ի և ԵՏՄ-ի միջև. Օվերչուկ

11.12.2025 | 20:24

Թուրքիան պատրաստ է անհրաժեշտության դեպքում զորքեր ուղարկել Գազա` խաղաղության հասնելու համար. Ֆիդան

11.12.2025 | 20:16

Գորիսի և Արարատի տարածաշրջանների ավտոճանապարհներին մառախուղ է․ ՃԴ

11.12.2025 | 20:00

Սյունիքի՝ կոմունիկացիոն հաբ լինելը ԱՄՆ-ն և ՌԴ-ն կքննարկեն․ նոր զարգացում կլինի Ուկրաինայում լուծմամբ․ ՏԵՍԱՆՅՈՒԹ

11.12.2025 | 19:45

Ավելի քիչ փող՝ գիտության զարգացմանը. ինչու է կրճատվում ոլորտի ֆինանսավորումը. ՏԵՍԱՆՅՈւԹ

11.12.2025 | 19:44

Լևոն Արոնյանը հաղթեց Մագնուս Կարլսենին ու նվաճեց Freestyle Chess Grand Slam Final-ի տիտղոսը․ ՏԵՍԱՆՅՈՒԹ

11.12.2025 | 19:42

Որևէ պայթուցիկ իր չի հայտնաբերվել․ ՆԳՆ ոստիկանությունից հերքում են

11.12.2025 | 19:35

Փաշինյանը ողջունել է Հայաստանի համար բեռների տարանցումն ապաշրջափակելու՝ Ալիևի որոշումը․ ՏԵՍԱՆՅՈւԹ

11.12.2025 | 19:32

Ընդունել եմ Բելգիայի, Նիդերլանդների և Լուքսեմբուրգի ԱԳՆ-ների քաղաքական տնօրեններին․ ԱԽ քարտուղար

11.12.2025 | 19:12

Թրամփը մեկնարկել է ներգաղթի «Ոսկե քարտ» ծրագիրը, որը թույլ է տալիս օտարերկրացիներին այն գնել 1 միլիոն դոլարով

11.12.2025 | 19:06

Երևանի ամանորյա միջոցառումներով պայմանավորված՝ մի քանի օրով ճանապարհահատվածի երթևեկությունը կդադարեցվի․ քաղաքապետարան

11.12.2025 | 19:05

Բռնցքամարտի ԱԱ․ Ռաֆայել Հովհաննիսյանը նոկաուտով պարտվեց կիսաեզրափակիչում․ ՏԵՍԱՆՅՈՒԹ

11.12.2025 | 19:00

ԱՄՆ դեսպանը վկայեց՝ «Թրամփի ուղու» շուրջ գործնական քայլեր են արվում․ ռեգիոնում նոր էջ է բացվել տնտեսական գործակցության․ Համբիկ Սարաֆյան․ ՏԵՍԱՆՅՈՒԹ

11.12.2025 | 18:35

ՊԵԿ փոխնախագահը 10 անշարժ գույք է հայտարարագրել, որից 8-ը՝ նվիրատվություն

Բոլորը

ՀՀ կրթության, գիտության, մշակույթի և սպորտի նախարարի տեղակալներ Ժաննա Անդրեասյանը և Արթուր Մարտիրոսյանն այսօր ընդունել են Վերակառուցման և զարգացման եվրոպական բանկի Հարավային Կովկասի գենդերային և տնտեսական ներառման քաղաքականության ղեկավար Մարիամ Կոբալիային և գենդերային և տնտեսական ներառման վերլուծաբան Քեթի Տիկանաշվիլիին․ տեղեկացնում են ՀՀ ԿԳՄՍՆ-ից։

Հանդիպման ընթացքում քննարկվել են Վերակառուցման և զարգացման եվրոպական բանկի հնարավոր աջակցությունը Հայաստանի կրթության և, մասնավորապես, մասնագիտական կրթության և ուսուցման ոլորտի բարեփոխումների ընթացքին:

Նախարարի տեղակալները մատնանշել են հնարավոր համագործակցության այն ուղիները, որոնք առաջնահերթ են երկու կողմերի համար: Նրանք ընդգծել են, որ ԱԺ-ում առաջին ընթերցմամբ ընդունվել է «Կրթության՝ մինչև 2030 թվականը զարգացման ծրագիրը», որտեղ սահմանվել են ոլորտի թիրախները և կարիքները:

Որպես մասնագիտական կրթության և ուսուցման ոլորտը համակարգող նախարարի տեղակալ՝ Ժաննա Անդրեասյանը կարևորել է կրթություն-մասնավոր հատված համագործակցությունը և դրա շրջանակում իրականացվող ծրագրերը: Փոխնախարարն ընդգծել է մասնավոր հատվածի համար ՄԿՈՒ ոլորտի որակյալ աշխատուժի խնդիրը՝ այդ համատեքստում կարևորելով համապատասխան հմտությունների զարգացումը կարճաժամկետ և երկարաժամկետ ծրագրերի միջոցով: Ժաննա Անդրեասյանը նաև նշել է, որ բարեփոխումներն իրականացվում են պետության համար գերակա համարվող ոլորտներում մասնագետներ պատրաստելու ուղղությամբ: Այդ համատեքստում նա տեղեկացրել է, որ վերջերս Տավուշի տարածաշրջանային պետական քոլեջը վերակազմակերպվել է հիմնադրամի՝ գործնական ուսուցման կենտրոնի ֆրանսիական մոդելի կիրառմամբ, որը կնպաստի գյուղատնտեսական մասնագիտությունների զարգացմանը: Նրա խոսքով՝ այս մոդելը կարող է հաջողված օրինակ հանդիսանալ ոլորտի մյուս հաստատությունների համար:

Հանդիպման ընթացքում անդրադարձ է եղել մասնագիտական կրթության և ուսուցման ոլորտի կարիքների քարտեզագրման հնարավորությանը՝ համապատասխան փորձագետների ներգրավմամբ: Կարևորվել են նաև աշխատաշուկայում գենդերային հավասարության խթանման, կրթության ներառականության և հասանելիության հետ կապված այլ հարցեր: Ձեռք է բերվել պայմանավորվածություն կազմակերպել ևս մեկ հանդիպում՝ առավել մանրամասն քննարկելու Վերակառուցման և զարգացման եվրոպական բանկի կողմից առաջարկվող աջակցության ձևաչափը: