21.04.2026 | 20:42
Ծանրորդ Գոռ Սահակյանը երկրորդ տարին անընդմեջ դարձավ Եվրոպայի փոխչեմպիոն
Ռուսաստանը հոկտեմբերի 10-ին զանգվածային հրետակոծությունների վրա առնվազն 400 մլն դոլար է ծախսել․ Forbes
Քաղաքականություն
11.10.2022 | 15:55
Forbes-ի ուկրաինական ծառայությունը հաշվարկել է, թե որքան է արժեցել Ռուսաստանի բյուջեին հոկտեմբերի 10-ին ուկրաինական քաղաքների վրա իրականացված զանգվածային հրթիռային հարձակումը։ Հրատարակության տվյալներով՝ գնդակոծությունն արժեցել է 400-700 միլիոն դոլար։
Վկայակոչելով պաշտոնական հայտարարությունները՝ պարբերականը տեղեկացնում է, որ Ուկրաինայի տարածքով արձակվել է 84 թևավոր հրթիռ, հարձակմանը մասնակցել է նաև 24 անօդաչու թռչող սարք, գրում է Meduza-ն։
Արձակված հրթիռների արժեքը, նշում է Forbes-ը, գնահատվում է լայն տիրույթում, քանի որ յուրաքանչյուր տեսակի հրթիռների ճշգրիտ թիվը հայտնի չէ։ Ըստ տեղեկությունների՝ Ուկրաինայի տարածքի ուղղությամբ արձակվել են Х-101, Х-555, «Կալիբր», «Իսկանդեր», «Տորնադո-Ս» և С-300 հրթիռներ։
Արժեքը հաշվարկելու համար Forbes-ն օգտագործել է հետևյալ ցուցանիշները․ Х-101 հրթիռի արժեքը 13 միլիոն դոլար է, «Կալիբր»-ինը՝ 6.5 միլիոն դոլար, «Իսկանդեր»-ինը՝ 3 միլիոն դոլար, «Օնիքս»-ինը՝ 1.25 միլիոն դոլար, « Х-22»-ինը՝ 1 միլիոն դոլար և «Տոչկա-Ու»-ինը՝ 300 հազար դոլար։
Հոկտեմբերի 10-ին արձակված բոլոր անօդաչու սարքերի ընդհանուր արժեքը մի քանի միլիոն դոլար է։
Տաթև Ֆռանգյան
