16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Շիրակի դատախազի գործը՝ ԱԱԾ-ում
Հասարակություն
10.10.2022 | 15:55
Գյումրեցի իրավապաշտպան Կարապետ Պողոսյանի՝ Շիրակի դատախազ Գուրգեն Գրիգորյան մասին մամուլով արված աղմկահարույց հայտարարությունները սկսել է ուսումնասիրել ԱԱԾ-ն։
Կարապետ Պողոսյանի փոխանցմամբ՝ այսօր իրեն հրավիրել են ԱԱԾ կենտրոնական վարչություն՝ տեղեկացնելով, որ քրեական գործ է հարուցվել մամուլով արված իր հայտարարությունների հիման վրա։
Հիշեցնենք, որ գյումրեցի իրավապաշտպանը հայտարարել էր, թե Շիրակի դատախազն իր նկատմամբ շինծու քրգործեր է հարուցել, և երբ ինքը սոցիալական ցանցերի իր էջերում խստորեն քննադատել է դատախազին, վերջինս քրեական ենթամշակույթ կրող անձանց է ուղարկել իր մոտ՝ գործարք առաջարկելով։
Այս ամենից հետո ՀՀ Գլխավոր դատախազության կազմակերպական-վերահսկողական և իրավական ապահովման վարչությունում սկսվել էր ծառայողական քննություն Շիրակի մարզի դատախազ Գուրգեն Գրիգորյանի նկատմամբ։ Factor.am-ը փորձել էր պարզաբանումներ ստանալ Գլխավոր դատախազությունից, սակայն մեր դիմումն անարձագանք էր մնացել։
Արմիկ Մովսիսյան
