06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
«Վարչապետը կաշկանդված չէր»․ ՔՊ-ականը՝ Փաշինյանի, Էրդողանի և Ալիևի մասնակցությամբ տեսանյութի մասին. ՏԵՍԱՆՅՈւԹ
Քաղաքականություն
07.10.2022 | 21:47
Ազգային ժողովի ՔՊ-ական պատգամավոր Վիգեն Խաչատրյանը Factor.am-ի հետ զրույցում անդրադարձել է ՀՀ վարչապետ Նիկոլ Փաշինյանի, Ադրբեջանի նախագահ Իլհամ Ալիևի, , Ֆրանսիայի նախագահ Էմանուել Մակրոնի և Եվրոպական խորհրդի նախագահ Շառլ Միշելի քառակողմ հանդիպմանը։
Կողմերը համաձայնության են եկել սահմանին ԵՄ քաղաքացիական առաքելության տեղակայման շուրջ։ Պատգամավորը մեկնաբանել է Պրահայում ձեռք բերված պայմանավորվածությունները։
Արդյո՞ք սա ձեռքբերում է և ի՞նչ է տալու հայկական կողմին։ Այս հարցին ի պատասխան՝ Խաչատրյանը նշեց․ «Շեշտվեց, որ առաքելությունն ունենալու է քաղաքացիական կազմ, որևէ զինվորական չի ընդգրկվելու, և այդ քաղաքացիական առաքելությունը 2 ամիս մշտադիտարկում է իրականացնելու։
Ենթադրում եմ, որ դա լրացուցիչ հիմնավորում կլինի, որպեսզի ամրապնդվի մեր պահանջը՝ այն է ՝ՀՀ որոշակի հատվածներից, որոնք օկուպացված են Ադրբեջանի կողմից, ադրբեջանական զորքերը դուրս բերվեն։
Հայաստանը որդեգրել է քաղաքական դիվանագիտական ճանապարհով խնդրի լուծմանը հասնելու քաղաքականություն, խուսափելով ուժով ադրբեջանական զորքին վռնդելու ճանապարհից, դա ծայրահեղ միջոց է, որը կտանի ռազմական բախումների, զոհեր ու վիրավորներ կլինեն»։
Մանրամասները` տեսանյութում։
