27.02.2026 | 10:19
Պակիստանը ռմբակոծել է Քաբուլը և «բաց պատերազմ» է հայտարարել Աֆղանստանին` ամիսներ տևած սահմանային բախումներից հետո
Բրիտանական հետախուզությունը հաջողված է համարում Ուկրաինայի հակահարձակումը
Քաղաքականություն
05.10.2022 | 17:23
Բրիտանական ռազմական հետախուզության տվյալներով՝ Ուկրաինան շարունակում է հաջողությունների հասնել հարձակողական գործողություններում՝ ինչպես հյուսիսարևելյան, այնպես էլ հարավային ճակատներում, գրում է BBC-ի ռուսական ծառայությունը։
Նշվում է, որ Խարկովի շրջանի հյուսիս-արևելքում Օսկոլ գետից արևելք ընկած տարածքի զգալի մասը համախմբվել է։ Ըստ բրիտանական հետախուզության՝ ռուսական ղեկավարությունը քաղաքական առումով անհանգստացել է, որ ուկրաինական առաջադեմ ստորաբաժանումները հիմա մոտենում են Լուգանսկի շրջանի սահմաններին, որը ՌԴ-ն պաշտոնապես բռնակցել է։
Լուգանսկի շրջանում ուկրաինական ստորաբաժանումները 20 կմ խորությամբ առաջ են շարժվել դեպի ռուսական պաշտպանական գոտի Սվատովո քաղաք, որը մատակարարման կարևոր հանգույց է:
Նշվում է, որ այժմ, հավանաբար, Ուկրաինան կարող է հարված հասցնել Սվատովո-Կրեմեննայա առանցքային ճանապարհին, որն է՛լ ավելի կսահմանափակի Ռուսաստանի հնարավորությունները՝ ստորաբաժանումներ տեղակայել Ուկրաինայի արևելքում:
Էմմա Չոբանյան
