18.12.2025 | 23:24
ՀՀ տարածքում ավտոճանապարհները հիմնականում անցանելի են
«Հուսանք՝ այն շատ ժամանակ չի խլի»․ Ալիևը՝ Հայաստանի հետ խաղաղության պայմանագրի նախագծի մշակման մասին
Քաղաքականություն
05.10.2022 | 15:16
Ադրբեջանի նախագահ Իլհամ Ալիևը այսօր Ակնայում կրկին անդրադարձել է Հայաստանի հետ հնարավոր խաղաղության պայմանագրին՝ նշելով, որ նախապատրաստական աշխատանքը շատ ժամանակ չի խլի։
«Մենք ունենք որոշակի լավատեսություն խաղաղության գործընթացի մասով, քանի որ մի քանի օր առաջ տեղի է ունեցել Հայաստանի ու Ադրբեջանի ԱԳ նախարարների հանդիպումը, առաջին հանդիպումը խաղաղության պայմանագրի նախագծի պատրաստման օրակարգով։ Հուսանք՝ այն շատ ժամանակ չի խլի»,-ասել է Ալիևը։
Բացի այդ Ադրբեջանի նախագահը կրկին խոսել է իրենց առաջարկի 5 սկզբունքների մասին, բնականաբար, ոչինչի չասելով Հայաստանի ներկայացրած առաջարկների մասին։ Հայաստանի դեմ ագրեսիա իրականացրած ու Երևանին պարբերաբար պատերազմով սպառնացող երկրի ղեկավարը ևս մեկ անգամ նշել է, որ «հինգ սկբունքները միջազգային իրավունքի վրա են հիմնված ու ներառում են երկրների տարածքային ամբողջականության ճանաչումը, տարածքային պահանջներից, ուժի կիրառումից ու կամ սպառնալիքից հրաժարումը, սահմանների դելիմիտացիան ու հաղորդակցությունների բացումը»։
Էմմա Չոբանյան
