08.06.2026 | 21:18
Շնորհավորում եմ Նիկոլ Փաշինյանին ընտրություններում հաղթանակի առիթով. Հունաստանի վարչապետ
Պուտինը ստորագրել է Ուկրաինայի բռնազավթված տարածքները ՌԴ-ին միացնելու օրենքները
Քաղաքականություն
05.10.2022 | 12:27
ՌԴ նախագահ Վլադիմիր Պուտինը հավանություն է տվել Ուկրաինայի Դոնեցկի, Լուգանսկի, Զապորոժիեի, Խերսոնի շրջանները Ռուսաստանի կազմում ընդունելու համաձայնագրերին, գրում է Կոմերսանտը։ Նա նաև ստորագրել է 4 համապատասխան դաշնային սահմանադրական օրենքները։ Այժմ Պուտինը պետք է նաև փոփոխություններ կատարի Սահմանադրության մեջ։
Ավելի վաղ օրենքները միաձայն ընդունել էին Պետական Դուման ու Դաշնային խորհուրդը։ Սահմանադրական դատարանն էլ նոր տարածքներին վերաբերող ակտերը սահմանադրական էր ճանաչել։ Նշվում է, որ ՌԴ-ի կազմում Դոնեցկի ու Լուգանսկի Ինքնահռչակ Հանրապետությունները պահպանելու են հանրապետությունների կարգավիճակն ու նախկին անունները, իսկ Խերսոնն ու Զապորոժիեն մնալու են շրջաններ։
Հիշեցնենք՝ որ ոչ Ուկրաինան, ոչ Արևմուտքը չեն ընդունում նշված տարածքում անցկացված «հանրաքվեների» արդյունքները՝ դրանք որակելով որպես ուկրաինական տարածքների անեքսիա։
Էմմա Չոբանյան
