08.06.2026 | 12:19
Էդմեն Շահբազյանի մասնակցությամբ մենամարտը լավագույնն է ճանաչվել UFC-ի մրցաշարում․ ՏԵՍԱՆՅՈՒԹ
Փաշինյանը հայտարարել է, որ Ադրբեջանն արդեն երկրորդ անգամ է հրաժարվում կատարել հայ ռազմագերիներին ազատ արձակելու պարտավորությունը
Քաղաքականություն
03.10.2022 | 11:51
ՀՀ վարչապետ Նիկոլ Փաշինյանը թվիթերյան գրառմամբ հայտնել է, որ Ադրբեջանը հերթական անգամ հրաժարվում է կատարել պարտավորությունն ու ազատ արձակել Բաքվում ապօրինաբար պահվող հայ ռազմագերիներին։
«Սա արդեն երկրորդ անգամն է, երբ Ադրբեջանը հրաժարվում է կատարել իր խոստումները հայ ռազմագերիների ազատ արձակելու մասով։ Առաջինը մայիսին էր, երբ Բաքուն պարտավորություն էր ստանձնել Բրյուսելում, երկորդը՝ հիմա, երբ Վաշինգտոնում Ադրբեջանը պարտավորվել էր մինչև սեպտեմբերի 30-ը ազատ արձակել 17 հայ ռազմագերիների»,-գրել է Նիկոլ Փաշինյանը։
Թեմային այսօր անդրադարձել է նաև ՀՀ ԱԽ քարտուղար Արմեն Գրիգորյանը՝ նշելով, որ վերջին պայմանավորվածությունը, որն Ադրբեջանը չի կատարել, ձեռք էր բերվել Ջեյք Սալիվանի նախաձեռնությամբ Սպիտակ տանը տեղի ունեցած իր և ԱՀ նախագահի օգնական Հիքմեթ Հաջիևի հանդիպման ժամանակ։
Էմմա Չոբանյան
