09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Էգեյան ծովում լարվածության աճի ֆոնին Պենտագոնը Թուրքիային և Հունաստանին երկխոսության կոչ է անում
Քաղաքականություն
29.09.2022 | 22:18
Պենտագոնի խոսնակը կոչ է արել Թուրքիային և Հունաստանին երկխոսություն սկսել Էգեյան ծովում լարվածությունը թուլացնելու համար՝ միաժամանակ խուսափելով մեկնաբանել Անկարայի դիվանագիտական բողոքն այս հարցի վերաբերյալ։ Այս մասին գրում է Bianet-ը։
«Հունաստանն ու Թուրքիան ՆԱՏՕ-ի կարևոր դաշնակիցներն են։ Մենք խրախուսելու ենք երկու կողմերին շարունակել կառուցողական երկխոսությունը՝ հնարավոր լարվածությունը թուլացնելու համար։ Դրանից զատ՝ այլ բան չունեմ ներկայացնելու»,- մամուլի ասուլիսի ընթացքում ասել է Պենտագոնի խոսնակ, բրիգադային գեներալ Փաթ Ռայդերը։
Դիտարկմանը, որ Անկարայում աճում է քննադատությունը Հունաստանի արևելքում ռազմական տեխնիկայի տեղակայման հետ կապված, որը նպաստում է երկու հարևանների միջև էսկալացիային, Ռայդերը նշել է, որ Թուրքիան ՆԱՏՕ-ի անհավանական կարևոր գործընկերն ու դաշնակիցն է, բայց այդտեղ չի պատրաստվում դիվանագիտությամբ զբաղվել։
«Մենք կշարունակենք սերտ աշխատել ՆԱՏՕ-ի մեր գործընկերների, այդ թվում՝ Թուրքիայի հետ, և ես ձեզ կոչ եմ անում դիմել Պետքարտուղարությանը՝ ԱՄՆ-ի ցանկացած պաշտոնական պատասխանի համար»,- ասել է նա։
Հավելենք, որ ավելի վաղ Թուրքիան բողոք էր հայտնել Հունաստանին և ԱՄՆ-ին՝ կապված Էգեյան ծովի կղզիներում ամերիկյան արտադրության զրահատեխնիկայի տեղակայման հետ։
Էմմա Չոբանյան
