09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԿԺԴՀ-ն երկու բալիստիկ հրթիռ է արձակել
Քաղաքականություն
29.09.2022 | 22:47
Հյուսիսային Կորեան, ենթադրաբար, երկու բալիստիկ հրթիռ է արձակել։ Այս մասին հայտնում է Kyodo գործակալությունը՝ հղում անելով կառավարական աղբյուրներին, գրում է ՌԻԱ Նովոստին։
Ավելի վաղ Հարավային Կորեայի Զինված ուժերի գլխավոր շտաբների պետերի կոմիտեն հայտնել էր, որ ԿԺԴՀ-ն անհայտ տեսակի հրթիռ է արձակել դեպի Ճապոնական ծով։ Հրթիռի հնարավոր արձակման մասին հայտարարել է նաև Ճապոնիայի Պաշտպանության նախարարությունը։
Ճապոնիայի վարչապետի գրասենյակին առընթեր ստեղծվել է արտակարգ իրավիճակների շտաբ, որը պետք է հավաքագրի և վերլուծի տեղեկատվությունը:
Իր հերթին, Ֆումիո Կիշիդան կարգադրել է հնարավոր բոլոր ջանքերը գործադրել տեղեկատվություն հավաքելու, վերլուծելու և բնակչությանը ժամանակին ծանուցելու, օդային և ծովային տրանսպորտի անվտանգությունն ապահովելու և չնախատեսված հանգամանքների դեպքում բոլոր անհրաժեշտ միջոցները ձեռնարկելու համար։
Տաթև Ֆռանգյան
