08.06.2026 | 12:24
Հայաստանի ժողովուրդը քվեարկել է խաղաղության և կայունության համար․ Անտոնիո Կոշտան շնորհավորել է Փաշինյանին
ՀՀ-ում հավատարմագրված դիվանագետներ այցելել են Գեղարքունիքի մարզ
Քաղաքականություն
29.09.2022 | 15:25
Հայաստանում հավատարմագրված դիվանագիտական ներկայացուցիչներ այցելել են Գեղարքունիքի մարզի այն բնակավայրեր, որոնք Ադրբեջանի սանձազերծած վերջին ագրեսիայի ժամանակ ենթարկվել էին հրետակոծության և հրթիռակոծության: Նրանց թվում են ՀՀ-ում ԵՄ դեսպան Անդրեա Վիկտորինը, Նիդերլանդների թագավորության դեսպան Նիկոլաս Յակոբ Սխերմերսը, ՌԴ դեսպան Սերգեյ Կոպիրկինը, ԱՄՆ փոխդեսպանը, ՄԱԿ-ի մշտական համակարգողի ժամանակավոր պաշտոնակատարը և այլք: Նրանք տեղում կծանոթանան քաղաքացիական բնակչությանը, օբյեկտներին, ենթակառուցվածքներին, հանրակրթական և այլ նշանակության օբյեկտներին հասցված վնասներին: ՏԿԵ նախարար Գնել Սանոսյանը, Գեղարքունիքի մարզպետ Կարեն Սարգսյանը, ԶՈւ ԳՇ պետի տեղակալ, գեներալ-մայոր Առաքել Մարտիկյանը դիվանագետներին տեղում կներկայացնեն իրավիճակը: Հիշեցնենք, որ նախորդ շաբաթ դիվանագետների՝ Ջերմուկ այցի ժամանակ ՌԴ դեսպանը ներկա չէր:
Վերջին տեղեկություններով ադրբեջանական հրետակոծության հետևանքով սահմանամերձ համայնքներում խաղաղ բնակչության շրջանում գրանցվել է 6 վիրավոր, 4 զոհ, 1 անձի գտնվելու վայրն անհայտ է: Վնասվել է 192 բնակելի տուն: Միայն Սոթք բնակավայրում վնասվել է 148 տուն։
Արփի Հակոբյան
