18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
«Հյուսիսային հոսք» գազատարներից արտահոսքը պայթյունների հետևանք է
Քաղաքականություն
28.09.2022 | 11:06
«Հյուսիսային հոսք 1» և «Հյուսիսային հոսք 2» գազատարների պայթյունները կանխամտածված դիվերսիա են եղել․ այս մասին հայտնում է DW-ի ռուսական ծառայությունը՝ հղում անելով Դանիայի և Լեհաստանի վարչապետներին։
«Համապատասխան գերատեսչությունների գնահատականն այժմ միանշանակ է. սա կանխամտածված գործողությունների արդյունք է: Սա պատահականություն չէ»,- ասել է Դանիայի վարչապետ Մետե Ֆրեդերիկսենը՝ հավելելով, որ իշխանությունները «դեռևս տեղեկություն չունեն, թե ով կարող էր կանգնած լինել այս ամենի հետևում»:
Ավելի վաղ հաղորդվել էր, որ երկրի իշխանությունները հետաքննում են, և «որոշ ապացույցներ վկայում են դիվերսիայի հնարավորության մասին»։
Դանիայի կլիմայի և էներգետիկայի նախարար Դեն Յորգենսենը հաստատել է երկրաբանների այն տեղեկությունները, որ գազատարների վրա արտահոսք է գրանցվել՝ ընդգծելով, որ երկաթբետոնե կոնստրուկցիաներով խողովակները գտնվում են ծովի խորքում, իսկ արտահոսքի չափերը վկայում են այն մասին, որ դա չէր կարող լինել վթար, օրինակ, նավի խարսխի պատճառով։
Շվեդիայի արտաքին գործերի նախարար Անն Լինդը ևս սոցցանցի իր էջում գրել է, որ Դանիայի և Շվեդիայի հատուկ տնտեսական գոտիներում «Հյուսիսային հոսք 1» և «Հյուսիսային հոսք 2»-ի վրա գազի արտահոսքը պայթյունների հետևանք է եղել:
Տաթև Ֆռանգյան
