20.11.2024 | 22:30
Սարգիս Բեգոյանը` ըմբշամարտի զինվորականների աշխարհի առաջնության արծաթե մեդալակիր
Ադրբեջանի ԱԳՆ-ն Հայաստանին «կոչ է արել» չզբաղվել, իբր, «բանակցությունների իմիտացիայով»
Քաղաքականություն
27.09.2022 | 12:49
Ադրբեջանի ԱԳՆ-ն հայտարարություն է տարածել Արցախի դեմ սանձազերծած պատերազմի երկրորդ տարելիցի առթիվ՝ կրկին ստահոդ թեզեր տարածելով։
«Հայաստանը վերջապես պետք է դադարեցնի բանակցությունների իմիտացիան ու իրական, կառուցողական քայլեր ձեռնարկի։ Տարածաշրջանի խաղաղ զարգացմանն այլընտրանք չկա»,- ասվում է հայտարարության մեջ։
Միջազգային իրավունքի խախտմամբ ՀՀ-ի դեմ մի քանի օր առաջ ռազմական ագրեսիա իրականացրած երկրի արտաքին քաղաքական գերատեսչությունը հայտարարում է, թե «Բաքուն հանդիսանում է Երևանի հետ հարաբերությունների կարգավորման նախաձեռնողը միջազգային իրավունքի սկզբունքների, մասնավորապես՝ ինքնիշխանության, տարածքային ամբողջականության և միջազգային սահմանների անձեռնմխելիության սկզբունքների խստիվ պահպանման հիման վրա»։
Ադրբեջանը, որի նախագահ Իլհամ Ալիևն ավելի վաղ հայտարարել էր, թե իր համար միջազգային սահմաններ գոյություն չունեն, Հայաստանին կոչ է անում հարգել այդ հիմնարար սկզբունքները։
Բաքուն, որի բարձրագույն ղեկավարությունն ամեն օր սպառնում է Հայաստանին ռազմական ագրեսիայով, Երևանին մեղադրում է «ռևանշիստական դիրքորոշումների ու ռազմական սադրանքների մեջ»։
Էմմա Չոբանյան
