21.04.2026 | 23:25
Եթե յուրաքանչյուրին ձայնագրես, ամեն մեկը մի բան կասի. Կարապետյանը՝ «շուն ու շանգյալ» բնորոշման մասին. ՏԵՍԱՆՅՈՒԹ
Տոկիոյում սկսվել է Սինձո Աբեի հուղարկավորության արարողությունը
Քաղաքականություն
27.09.2022 | 10:45
Ճապոնիայի վարչապետ Սինձո Աբեի հուղարկավորության պետական արարողակարգը սկսվել է Տոկիոյի Նիպպոն Բուդոկան մարտարվեստի սրահում, գրում է ՌԻԱ Նովոստին։ Ճապոնական գրեթե բոլոր հեռուստաալիքները ուղիղ եթերով հեռարձակում են իրականացնում։
Քաղաքական գործչի այրուն՝ սգո կիմանո հագած Ակիե Աբեին դիմավորել են Ճապոնիայի վարչապետ Ֆումիո Կիսիդան, Ճապոնիայի նախարարների կաբինետի գլխավոր քարտուղար Հիրոկազու Մացունոն և Ճապոնիայի կառավարության այլ ներկայացուցիչներ, ինչպես նաև պաշտպանության նախկին նախարար Նոբուո Կիշին, որը Սինձո Աբեի կրտսեր եղբայրն է։
Հիշեցնենք՝ Սինձո Աբեն սպանվել էր հուլիսի 8-ին Նարա պրեֆեկտուրայում, քարոզարշավի ժամանակ ելույթ ունենալիս: Մահափորձն իրականացրել էր 41-ամյա Տեցույա Յամագամին՝ ինքնաշեն զենքից երկու անգամ կրակելով Աբեի վրա։ Երկրորդ կրակոցից քաղաքական գործիչը վիրավորում էր ստացել պարանոցի և կրծքավանդակի շրջանում, որը մահացու էր դարձել։
Հուղարկավորությանը մասնակցում է մոտ 4,5 հազար մարդ, այդ թվում՝ 34 պետությունների ղեկավարներ և 14 պետությունների նախկին ղեկավարներ։ Արարողությանը ներկա են նաև կայսերական ընտանիքի ներկայացուցիչներ։ Անվտանգությունն ապահովում են մոտ 20 հազար ոստիկաններ, որոնց մի մասը բերվել են այլ շրջաններից։
Տաթև Ֆռանգյան
