25.06.2026 | 15:18
Իսրայելը հերքում է Լիբանանի որոշ հատվածներից զորքերը դուրս բերելու մասին ԱՄՆ-ի հայտարարությունը
ԱՄՆ զգուշացումը՝ ՀՀ-ում գտնվող քաղաքացիներին․ Մենենդեսը կոչ է արել դադարեցնել Բաքվին օգնելը․ Լուրեր
23.09.2022 | 19:41
- Հայաստանում ԱՄՆ դեսպանատան կայքում հրապարակված հաղորդագրությամբ՝ Միացյալ Նահանգները կոչ է անում Հայաստանում գտնվող իր քաղաքացիներին զգոն լինել, զգուշություն ցուցաբերել և խուսափել ճամփորդություններից դեպի Ադրբեջանի հետ սահմանակից շրջաններ։ Տեղեկացվում է, որ զինված բախումների պատճառով Հայաստանում բարձրացել է զգուշավորությունը։ Որոշ տարածքներում մեծացել է ռիսկը։
- Հայաստանի փոխվարչապետ Մհեր Գրիգորյանն ու Ադրբեջանի փոխվարչապետ Յագուբ Էյուբովը Մոսկվայում կարճ շփում են ունեցել։ Factor.am-ին Մհեր Գրիգորյանի գրասենյակից հայտնել են, որ փոխվարչապետները խոսել են հայ-ադրբեջամնական սահմանին վերջին շրջանում էսկալացիայի վերաբերյալ։
- ԱՄՆ Սենատի արտաքին հարաբերությունների մշտական հանձնաժողովի նախագահ Ռոբերտ Մենենդեսը, վկայակոչելով Հայաստանի նկատմամբ ադրբեջանական վերջին հարձակումները, նախագահ Բայդենի վարչակազմին կոչ է արել դադարեցնել ամերիկյան անվտանգային բնույթի օժանդակությունն Ադրբեջանին և առհասարակ վերանայել այդ երկրին հատկացվող օժանդակությունը։
Այս ժամի լուրերը՝ տեսանյութում։
