27.07.2026 | 21:13
Նեթանյահուն հայտարարել է, որ Վաշինգտոնում իր օրակարգի գլխավոր առաջնահերթությունն Իրանն է
Էրդողանը հանձնարարել է ՌԴ-ի հետ «Միր» վճարային համակարգին այլընտրանք մշակել․ ԶԼՄ-ներ
Քաղաքականություն
23.09.2022 | 22:42
Թուրքիայի նախագահ Ռեջեփ Թայիփ Էրդողանը կառավարության անդամներին հանձնարարել է Մոսկվայի հետ համատեղ այլընտրանք մշակել ռուսական «Միր» վճարային համակարգին։ Այս մասին հայտնում է թուրքական A Haber-ը, որին վկայակոչում է ՌԻԱ Նովոստին։
«Բանակցությունները ռուսական կողմի հետ վարել են համապատասխան գերատեսչությունները, մասնավորապես, նախարարները։ Առաջիկայում Էրդողանն այդ թեմայով քննարկում կանցկացնի»,- գրում է լրատվամիջոցը։
Չի նշվում, սակայն, թե կոնկրետ ի՞նչ այլընտրանք են դիտարկում Մոսկվան ու Անկարան։
Հիշեցնենք, որ նախօրեին լրատվականները տեղեկություններ տարածեցին, թե Էրդողանը ռուսական «Միր» վճարային համակարգի աշխատանքի վերաբերյալ բարձր մակարդակով հանդիպում է անցկացնելու։
Հավելենք, որ թուրքական «Ishbank»-ն և «Denizbank»-ը շաբաթվա սկզբից դադարեցրել են «Միր» քարտերի սպասարկումը։ Այս որոշումն ընդունվել է ՌԴ-ի դեմ ԱՄՆ-ի և Մեծ Բրիտանիայի պատժամիջոցների պատճառով։
Էմմա Չոբանյան
