17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Մանրամասներ` «Սուրմալուի» նոր փլուզումից
Տեսանյութեր
22.09.2022 | 11:43
ՀՀ կառավարության նիստի ընթացքում նոր մանրամասներ ներկայացվեցին «Սուրմալուի» փլուզումից։
«Տարածքը սահմանազատված է, իրականացվում են մաքրման աշխատանքներ»,- այս մասին կառավարության այսօրվա նիստի ընթացքում տեղեկացրեց ԱԻ նախարարի առաջին տեղակալ Արտյուշ Գրիգորյանը՝ անդրադառնալով երեկ «Սուրմալուի» («Երևանի պահածոների գործարան» ՓԲԸ) տարածքում տեղի ունեցած փլուզմանը:
ՀՀ փոխվարչապետ Համբարձում Մաթևոսյանը հավելեց, որ Երևանի քաղաքապետ Հրաչյա Սարգսյանի հետ քննարկում է ունեցել հարցի վերաբերյալ:
«Տեղյակ եմ նաև, որ քննարկումներ են ընթանում սեփականատիրոջ հետ: Խնդրում եմ աշխատանքներին հետևողական լինել, որպեսզի սահմանազատված հատվածում մենք նմանատիպ այլ դեպք չարձանագրենք»,- նշեց փոխվարչապետը:
Կառույցի հետ կապված առաջարկ արեց Քաղաքաշինության կոմիտեի նախագահ Արմեն Ղուլարյանը․ «Առաջարկում եմ շատ արագ շինության կմախքի քանդման թույլտվություն տրվի, և մաքրվի այդ տարածքը»։
Հիշեցնենք՝ երեկ «Սուրմալու» առևտրի կենտրոնի վնասված շինությունը մասնակիորեն փլուզվել է, կան տուժածներ։
Մանրամասները՝ տեսանյութում։
