04.11.2026 | 10:03
Փաշինյանի անունով Telegram-ում կեղծ օգտահաշիվ է բացվել․ խոսնակը զգուշացնում է հնարավոր խարդախության մասին
Թուրքիայի 2 խոշոր բանկեր դադարեցրել են ռուսական «Միր» քարտերով գործարքները
Քաղաքականություն
20.09.2022 | 12:31
Թուրքական երկու խոշոր՝ Is Bankasi և DenizBank բանկերը դադարեցրել են ռուսական «Միր» քարտերով գործարքները, հայտնում է Gazeta-ն։ Հաղորդվում է, որ այս որոշումը հաջորդել է ԱՄՆ գանձապետարանի հայտարարություններին ռուսական վճարային համակարգի օգտագործման դեպքում հնարավոր պատժամիջոցների կիրառման մասին։ Ավելի վաղ հայտնի էր դարձել որոշ հյուրանոցների ծառայությունների դիմաց «Միր» քարտերով վճարելու զբոսաշրջիկների խնդիրների մասին։
«Միր» քարտով գործարքները և ռուսական արժույթի հետ կապված գործառնություններ մեր բանկում չեն կատարվում, բանկոմատները չեն ընդունում քարտերը»,-ասել են բանկից։
Հիշեցնենք, որ ավելի վաղ The Financial Times-ը հայտնել էր, որ ԱՄՆ-ն ու ԵՄ-ն ուժեղացնում են ճնշումը Թուրքիայի վրա, քանի որ ՌԴ-ն կարող է պատժամիջոցները շրջանցել թուրքական բանկային համակարգի միջոցով։
Նշվում էր, որ Վաշինգտոնը իր հայացքն ուղղել է թուրքական բանկերի վրա, որոնք աշխատում են ռուսական «Միր» վճարային համակարգի հետ։ Բրյուսելն իր հերթին պատրաստվում է պատվիրակություն ուղարկել՝ իր մտահոգություններն ուղղակիորեն թուրքական իշխանություններին հայտնելու համար։
Էմմա Չոբանյան
