06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Նույն հարցի վերաբերյալ Արմեն Սարգսյանի գնահատականը՝ հեղափոխությունից առաջ և հետո. ԵզրաԿԱՑՈՒԹՅՈՒՆ
Քաղաքականություն
25.05.2018 | 18:30
ՀՀ նախագահ Արմեն Սարգսյանը երբեմն ստիպված է լինում անդրադառնալ քաղբանտարկյալների վերաբերյալ հարցերին: Փաստենք, սակայն, որ մինչնախագահության և նախագահության շրջաններում, չնայած ժամանակահատվածի փոքր տարբերությանը, նախագահի դիրքորոշումը կամաց-կամաց փոփոխության է ենթարկվում: Երբ դեռ նախագահի թեկնածու էր, լրագրողների հետ զրույցում Արմեն Սարգսյանն ասաց, թե չգիտի՝ քաղբանտարկյալներ կա՞ն, թե՞ ոչ և ավելացրեց. «Բայց ո՞վ է որոշում ով է քաղբանտարկյալը, դուք ինձ պետք է սովորեցնեք»:
2018թ. մարտի 1-ին՝ նախագահ ընտրվելիս, պատասխանելով այն ժամանակ ԱԺ պատգամավոր, այժմ՝ վարչապետ Նիկոլ Փաշինյանի հարցին, ասաց. «Ես դեռևս եվրոպական ինստիտուտների կողմից չեմ տեսել փաստաթղթեր, որտեղ գրված կլինի, որ Հայաստանում այս կամ այն անձը քաղբանտարկյալ է»:
Արդեն նախագահի պաշտոնում մայիսի 24-ին դարձյալ ստիպված անդրադառնալով հարցին՝ պատասխանեց. «Իմ դիրքորոշումը շատ պարզ է և հստակ` Հայաստանի Հանրապետությունում քաղաքական բանտարկյալներ չպետք է լինեն` երեկ, այսօր և վաղը»:
Միայն թե հասկանալի չէ՝ նախագահի հայտարարությունը կապված է թեկնածուից նախագահ դառնալո՞ւ, թե՞ հեղափոխական գործընթացների հետ:
