06.11.2024 | 13:30
Հուսով ենք՝ Ադրբեջանի ձեռքբերումները կամրապնդվեն խաղաղության պայմանագրի ստորագրմամբ․ Էրդողան
Հզոր «Նանմադոլ» թայֆունը շարժվում է դեպի ճապոնական Հոնսյու կղզի
Քաղաքականություն
19.09.2022 | 18:09
«Նանմադոլ» հզոր թայֆունը, որը կիրակի հարվածել է ճապոնական Կյուսյու կղզու հարավ-արևմտյան հատվածին, շարունակում է շարժվել դեպի հյուսիս-արևելք և արդեն հասել է մեծ քաղաք՝ համանուն պրեֆեկտուրայի մայրաքաղաք Ֆուկուոկա: Այս մասին գրում է The Japan Times-ը։
Երկուշաբթի առավոտվա դրությամբ՝ Կյուսյու կղզում փոթորկի զոհ է դարձել 2 մարդ, ավելի քան 300 հազար տնային տնտեսություն անջատվել է էլեկտրամատակարարումից։ Կագոսիմայի պրեֆեկտուրայից հետո Ֆուկուոկա, Կումամոտո, Միյաձակի և Նագասակի պրեֆեկտուրաները շտապ օգնություն են խնդրել՝ թայֆունի հետևանքները հաղթահարելու համար։
Ճապոնիայի օդերևութաբանական ծառայությունը, որին վկայակոչում է պարբերականը, հայտնել է, որ քամու պոռթկումները թայֆունի էպիկենտրոնում հասնում են ժամում 126 կմ-ի։ «Նանմադոլ»-ը շարժվում է դեպի հյուսիս-արևելք՝ Հոնսյու կղզի, որտեղ երեքշաբթի սպասվում են հորդառատ անձրևներ:
Տաթև Ֆռանգյան
