14.08.2026 | 17:01
Թվայնացումը՝ ՊԵԿ բարեփոխումների կարևոր բաղադրիչ․ խորհրդի նիստում քննարկվել են նոր նախաձեռնություններ
Պուտինի նկարն օդանավակայան տանող ճանապարհից հանվել է, բայց ոչ այսօր
Հասարակություն
17.09.2022 | 18:13
Այսօր առավոտյան լուրեր տարածվեցին, թե Երևանից դեպի Զվարթնոց օդանավակայան տանող ճանապարհից հանվել է գովազդային վահանակներից մեկի վրա տեղադրված ՌԴ նախագահ Վլադիմիր Պուտինի նկարը: Սոցիալական ցանցերի օգտատերերը դա փորձում էին կապել ԱՄՆ Կոնգրեսի Ներկայացուցիչների պալատի խոսնակ Նենսի Փելոսիի՝ Հայաստան այցի հետ:
Factor TV-ի թղթակցի հաղորդմամբ` այս պահին օդանավակայան տանող ճանապարհի որևէ հատվածում Պուտինի լուսանկար իսկապես չկա, սակայն, ըստ տեղի բնակիչների, վահանակից այն հեռացվել է մոտ մեկ ամիս առաջ: Հիմա Պուտինի լուսանկարի փոխարեն ՀՀ-ում գործող կուսակցություններից մեկի գովազդն է, իսկ հակառակ կողմում` ՀՀ առողջապահության նախարարության «Մնա´ տանը, կոտրի´ր վարակի շղթան» հորդորով պաստառը, որը տեղադրվել է դեռևս 2020-ին կորոնավիրուսային համավարակի տարածման առաջին ամիսներին:
Ավելի վաղ Երևանի քաղաքապետարանից մեզ հայտնել էին, որ այդ խնդրով չեն զբաղվում։
Արփի Հակոբյան
