08.06.2026 | 15:08
Քրեական վարույթ է նախաձեռնվել Լիճքի համայնքապետի և նրա հարազատների մասնակցությամբ միջադեպի առնչությամբ
Ալիևը Պուտինին ասել է, թե «ո՛չ Հայաստանը, ո՛չ Ադրբեջանը լայնամասշտաբ էսկալացիայի մտադրություն չեն ունեցել»
Քաղաքականություն
16.09.2022 | 20:25
Սահմանին հրադադարի ռեժիմի պահպանումը հուշում է, որ ո՛չ Հայաստանը, ո՛չ էլ Ադրբեջանը լայնամասշտաբ էսկալացիայի մտադրություն չեն ունեցել։ Այս մասին հայտարարել է Ադրբեջանի ղեկավար Իլհամ Ալիևը ՌԴ նախագահ Վլադիմիր Պուտինի հետ հանդիպմանը՝ խոսելով ՀՀ-ի դեմ Բաքվի ագրեսիայի մասին, գրում է ՌԻԱ Նովոստին։
Ալիևը նաև Պուտինին շնորհակալություն է հայտնել օպերատիվ արձագանքի համար ու անհիմն մեղադրանքներ հնչեցրել Հայաստանի հասցեին։
«Ռազմական բախումները տևել են 8 ժամից էլ քիչ, և դրանք դադարել են, թեև հայկական կողմն անմիջապես չի սկսել իրականացնել հրադադարը։ Բայց, ընդհանուր առմամբ, շուրջ երկու օր է, ինչ պահպանվում է հրադադարը, ինչը վկայում է այն մասին, որ ո՛չ Հայաստանը, ո՛չ էլ Ադրբեջանը մտադրություն չեն ունեցել լայնածավալ էսկալացիայի»,- ասել է Ալիևը։
Նա նաև նշել է, որ հիմա կարևոր է «հարաբերությունների կարգավորման գործընթացը չքանդելը և այդ ուղղությամբ շարժվելը»։
Ալիևը հավելել է, որ ողջունում է դրան ուղղված Ռուսաստանի ջանքերը, այդ թվում՝ եռակողմ հանձնաժողովի շրջանակում։
«Կրկին ուզում եմ ասել, որ Ադրբեջանը հավատարիմ է այն եռակողմ փաստաթղթերին, որոնք ստորագրվել են Ռուսաստանի, Ադրբեջանի և Հայաստանի միջև Ղարաբաղյան երկրորդ պատերազմից հետո, և կանենք ամենը, որ Կովկասում իրավիճակը լինի կայուն»,- ասել է նա։
Էմմա Չոբանյան
