30.04.2026 | 15:28
Էրդողանը հրավիրվել է Երևանում Եվրոպական քաղաքական համայնքի հանդիպմանը. մասնակցությունը պարզ կդառնա առաջիկա օրերին. BBC
Ի՞նչ է ուզում Բաքուն․ «անվտանգության գոտի»` ՀՀ տարածքների գրավման հաշվի՞ն
Քաղաքականություն
16.09.2022 | 22:38
Հայաստանի և Արցախի դեմ որևէ ռազմական ագրեսիա կամ սադրանք իրականացնելիս Բաքուն պատրաստում է նաև համապատասխան տեղեկատվական դաշտ, ինչը թույլ է տալիս ինչ-որ չափով հասկանալ Ադրբեջանի նպատակները։ Բացառություն չէ նաև Բաքվի վերջին ագրեսիան։
Հիշեցենք՝ սեպտեմբերի 13-ին կեսգիշերն անց Ադրբեջանը հարձակում սկսեց ՀՀ սուվերեն տարածքի վրա։
Հարձակումից ընդամենը մի քանի ժամ անց՝ դեռ գիշերը, Ադրբեջանի իշխանությունների քարոզչական կայքերը սկսեցին հրապարակումներ անել այն մասին, որ անհրաժեշտ է ստեղծել «ինչ-որ անվտանգային կամ բուֆերային գոտի», բնականաբար՝ Հայաստանի Հանրապետության տարածքների հաշվին։ Այնուհետև սկսեցին այս թեմայով տարբեր լրատվականների հարցազրույցներ տալ պատգամավորներ՝ հանրային խոսույթում գեներացնելով այդ գաղափարը։
Այսօր էլ Ադրբեջանի Միլի Մեջլիսի նիստում նման հայտարարություն է արել պատգամավոր Զիյաֆետ Ասկերովը։ Նա, մասնավարապես, առաջարկել է Հայաստանի հետ սահմանին «անվտանգության գոտի» ստեղծել։
«Մենք առաջարկում ենք Հայաստանի հետ սահմանին ստեղծել անվտանգության գոտի, որպեսզի մեր տեղահանվածները, որոնք տեղափոխվելու են այնտեղ, իրենց հանգիստ զգան»,- ասել է պատգամավորը։
Այս ամենը ցույց է տալիս, որ ՀՀ-ի դեմ Բաքվի այս նոր ագրեսիայի նպատակներից մեկ էլ մեր երկրի տարածքների գրավման հաշվին, այսպես կոչված, «անվտանգության գոտի» ստեղծելն է։
Էմմա Չոբանյան
