01.07.2026 | 22:57
ԱԺ պատգամավորի երդման տեքստը կփոփոխվի․ օրենքի նախագիծը դրական եզրակացություն է ստացել
Եթե ԱՄՆ-ից զենք ստանալուն ՀԱՊԿ-ից դուրս գալն է խանգարում, հիմարություն կլինի դա չանել․ Սամվել Մելիքսեթյան․ ՏԵՍԱՆՅՈՒԹ
Քաղաքականություն
17.09.2022 | 12:02
Factor TV–ի հարցազրույցը քաղաքագետ Սամվել Մելիքսեթյանի հետ
-ՄԱԿ-ի Անվտանգության խորհրդում երեկ քննարկվել է Ադրբեջանի սանձազերծած ագրեսիան ՀՀ-ի նկատմամբ։ Ֆրանսիայի, ԱՄՆ-ի, Մեծ Բրիտանիայի, Հնդկաստանի դեսպանները որպես ագրեսոր պետություն թիրախավորում էին Ադրբեջանին և կոչ էին անում զորքերը հետ քաշել, ռազմական գործողություները դադարեցնել։ ՌԴ և Ադրբեջանի դեսպանները ՄԱԿ-ում խոսում էին դեմարկացիայի մասին․․․ ՀԱՊԿ-ը զորք չուղարկեց, թեև այստեղ պատվիրակություն կա։ ԱԳ նախարար Արարատ Միրզոյանն էլ հայտնեց, որ ՄԱԿ ԱԽ-ն դեռ փաստաթուղթ չի ընդունել։ Նիստի արդյունքներն ինչպե՞ս եք գնահատում։
-Կարելի է գնահատել որպես ներկա իրավիճակի շուրջ տարբեր երկրների դիրքորոշումների ցուցանիշ։ Տեսնում ենք, որ որոշակի փոփոխություններ կան այդ դիրքորոշումների մեջ, ավելի հստակ է նշվում Ադրբեջանի ագրեսիվ քաղաքականությունը, քանի որ խախտել է հենց ՀՀ սահմանը, և կոչ է արվում զորքերը դուրս բերել ՀՀ տարածքից։ Մյուս կողմից՝ տեսնում ենք, որ Ուկրաինայի շուրջ ստեղծված խոշոր ճգնաժամը բերում է Ռուսաստանի հարմարվելուն Ադրբեջանի սադրանքների քաղաքականությանը։ Բրյուսելի վերջին հանդիպումից հետո պարզ էր, որ բանակցությունները փակուղային են, դրանից հետո Ադրբեջանը որոշեց գնալ ռազմական էսկալացիայի․․․ Ադրբեջանը գնալով ավելի ագրեսիվ քաղաքականություն է վարում, և միջազգային հանրության ճնշումները շատ կարևոր են։ Տեսնում ենք դիրքորոշման փոփոխություններ, Արևմուտքի որոշ ժողովրդավար պետություններ քննադատաբար են հանդես գալիս և նշում են, որ ՀՀ տարածքում խոցվել են քաղաքացիական օբյեկտներ։ Եվ ավելի հասցեագրված էին նրանց գանահատականները։
-Այսինքն՝ ճշմարտությունն էին ասում։
-Իսկ Ռուսաստանն ավելի աշխարհաքաղաքական մոտեցում ունի։
-Բնականաբար, իր շահերը պատկերացնելով է արտահայտում իր մոտեցումները։
-Իհարկե։ Ռուսաստանն Ադրբեջանի հետ սրացումների չի գնալու, հակառակը՝ հարմարվելու է Ադրբեջանի սադրանքներին, թեև սա հարված էր նաև ՀԱՊԿ-ին։ ՀԱՊԿ-ը պատվիրակություն ուղարկեց, բայց դա շատ անողնաշար քայլ է, և իզուր չէ, որ Հայաստանում լսում ենք ՀԱՊԿ-ից դուրս գալու մասին թեզը։
Հարցազույցն ամբողջությամբ՝ տեսանյութում։
Ռոբերտ Անանյան
