Քաղաքականություն
15.09.2022 | 20:41ՄԱԿ-ի Անվտանգության խորհրդի նիստում, որտեղ քննարկվում է Ադրբեջանի ագրեսիան Հայաստանի դեմ, Հնդկաստանի ներկայացուցիչը կոչ արեց ագրեսոր կողմին՝ դադարեցնել ռազմական գործողությունները։
«Վերջին հաղորդումները Հայաստանի և Ադրբեջանի սահմանին հարվածների մասին, այդ թվում՝ հարվածները քաղաքացիական ենթակառուցվածքներին, խորը մտահոգություն են առաջացնում։ Կոչ ենք անում ագրեսոր կողմին՝ դադարեցնել ռազմական գործողությունները և զսպվածություն դրևսորել։ Այդ գործողությունները հստակ սպառնալիք են տարածաշրջանում խաղաղությանն ու կայունությանը»,- ասաց նա։
Դեսպանը հավելեց, որ ԱԽ-ն չի կարող լուռ մնալ և թույլ տալ, որ իրավիճակն ավելի վատթարանա։
«Կրակի դադարեցումը նոյեմբերի 9-ին Ռուսաստանի, այդ թվում՝ խաղաղ գործընթացը ԵԱՀԿ Մինսկի խմբի ու ԵՄ միջնորդությամբ, օգտակար մեխանիզմներ են մնացյալ հարցերի կարգավորման համար։ Նման հակամարտությունները պետք է կարգավորել դիվանագիտության ու երկխոսության ճանապարհով։ Չի կարող լինել հակամարտության ռազմական լուծում։ Երկու կողմերին կոչ ենք անում շարժվել դիվանագիտական ճանապարհով՝ հասնելու կայուն լուծման»,- նշեց Հնդկաստանի ներկայացուցիչը։
Մանրամասները՝ տեսանյութում։
Էմմա Չոբանյան
