Ադրբեջանն ի՞նչ փաստաթուղթ պիտի ՀՀ-ին առաջարկի, որ չհակասի մեր շահերին․ Սուրեն Պետրոսյան. ՏԵՍԱՆՅՈՒԹ

Այսօր Արցախի նախագահ Արայիկ Հարությունյանը հայտնել է, որ Երևանում մասնակցել է ՀՀ Անվտանգության խորհրդի նիստին։

«Այս փուլում Արցախի կարգավիճակի հետ կապված որևէ փաստաթուղթ չի քննարկվում։ ՀՀ մեր գործընկերներին ուղղված իմ խոսքում բառացիորեն փոխանցել եմ բոլորիս մտահոգությունները՝ ընդգծելով, որ ոչ մի փաստաթուղթ չի կարող ստորադասել մեր ժողովրդի ազատ և ինքնիշխան ապրելու իրավունքն ու ձգտումները։ ՀՀ իշխանությունները վերահաստատել են, որ առանց Արցախի իշխանությունների հետ քննարկելու և մեր ժողովրդի կարծիքը հաշվի առնելու՝ Արցախին առնչվող որևէ փաստաթուղթ չի ստորագրվելու»,- հայտնել է Հարությունյանը:

Ինչո՞վ բացատրել այս հանդիպման փաստը։ Քաղաքագետ, «Ժողովրդավարական համախմբում» կուսակցության նախագահ Սուրեն Պետրոսյանը դժվարանում է պատասխանել այս հարցին․ «Մենք նման արտահայտություն լսել ենք նաև, երբ Նիկոլ Փաշինյանը մինչև Արցախյան երկրորդ պատերազմն ասաց, որ որևէ փաստաթուղթ առանց հաշվետու լինելու չի ընդունելու, բայց կյանքը ցույց տվեց, որ եղավ այն, ինչ եղավ»։

Պետրոսյանը նշում է, որ իրական գետնի վրա տեղի ունեցող գործընթացներին պատասխան չի տրվում․ «Հայկական բանակի կողմից ադրբեջանական բանակի առաջընթացի կասեցումը, բնականաբար, պատասխան էր, բայց այն չէր, որ պիտի լիներ՝ հանրային և պետական մոբիլիզացիան է»։

Ըստ նրա՝ Ադրբեջանի որևէ առաջարկ չի կարող ընդունելի լինել ՀՀ-ի համար, քանի որ այն չի բխելու հայկական շահերից։

Հարցազրույցն ամբողջությամբ՝ տեսանյութում։

Ռոբերտ Անանյան