18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Ղազախստանի ԱԳՆ-ն հերքել է ՀԱՊԿ-ից դուրս գալու մասին լուրերը
Քաղաքականություն
15.09.2022 | 21:35
Ղազախստանի ԱԳՆ-ն հերքել է ՀԱՊԿ-ին երկրի անդամակցությունը դադարեցնելու մասին տեղեկությունները, գրում է ՌԻԱ Նովոստին։
Երկրի Տեղեկատվության և սոցիալական զարգացման նախարարության աջակցությամբ ստեղծված stopfake.kz պորտալի փոխանցմամբ՝ սոցիալական ցանցերում հաղորդագրություններ են շրջանառվում, որ 2023 թվականի հունվարի 1-ից Ղազախստանը նախատեսում է դադարեցնել իր անդամակցությունը ՀԱՊԿ-ին։
«Որոշ սոցցանցերում հայտնված տեղեկատվությունը՝ ՀԱՊԿ-ից Ղազախստանի, իբր, դուրս գալու ծրագրերի մասին բացարձակ կեղծ է և չի համապատասխանում իրականությանը»,- ասվում է հաղորդագրության մեջ։
Նշվում է, որ ՀԱՊԿ-ին անդամակցությունը լիովին համապատասխանում է երկրի ազգային շահերին։ Ընդգծվում է, որ ՀԱՊԿ շրջանակում համագործակցությունը Ղազախստանի արտաքին քաղաքականության կարևոր ուղղություններից է, երկրի մասնակցությունը կազմակերպությանը նախատեսված է Ղազախստանի երկարաժամկետ ռազմավարական փաստաթղթերով։
«Ընդհանուր առմամբ, կարելի է միանշանակ պնդել, որ Ղազախստանը չի դիտարկում ՀԱՊԿ-ից դուրս գալու հնարավորությունը»,- ասվում է հաղորդագրության մեջ։
Էմմա Չոբանյան
