02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Չավուշօղլուն հայտարարել է, թե «Ադրբեջանը երբեք մենակ չի մնա», նաև մեղադրանքներ հնչեցրել Հայաստանի հասցեին
Քաղաքականություն
13.09.2022 | 20:50
Թուրքիան միշտ աջակցելու է Ադրբեջանին, եղբայրական երկիրը մենակ չի մնա։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ ելույթ ունենալով Անկարայում արտաքին քաղաքականությանը նվիրված միջոցառմանը, գրում է «Անադոլու» գործակալությունը։
Միաժամանակ, Չավուշօղլուն քննադատել է ԵԱՀԿ Մինսկի խմբի համանախագհներին։
«Ադրբեջանի համբերության բաժակը վերջապես հատեց, և ի պատասխան «Հայաստանի սադրանքների»՝ սկսվեց պատերազմ, որն ավարտվեց «օկուպացված» տարածքների ազատագրմամբ»,- ասել է նա՝ հերթական անգամ ներկայացնելով թուրք-ադրբեջանական կեղծ թեզերը։
Չավուշօղլուն նշել է, որ այսօր խաղաղության համար բոլոր պայմանները ձևավորվել են, սակայն Հայաստանը, իբր, նախընտրում է սադրանքների ճանապարհը։
Հիշեցնենք, որ ավելի վաղ Չավուշօղլուն հեռախոսազրույց էր ունեցել Ադրբեջանի ԱԳ նախարար Ջեյհուն Բայրամովի հետ։
Էմմա Չոբանյան
