02.07.2026 | 10:00
Արտարժույթների փոխարժեքները՝ հուլիսի 2-ի դրությամբ
Դիվանագիտական առաջընթացը չպետք է վատնել․ ԵԱՀԿ-ն՝ հայ-ադրբեջանական սահմանային իրավիճակի մասին
Քաղաքականություն
13.09.2022 | 14:45
ԵԱՀԿ Լեհաստանի նախագահությունն անդրադարձել է ՀՀ ինքնիշխան տարածքի վրա Ադրբեջանի հարձակմանը։
«Հայաստանի և Ադրբեջանի սահմանին ռազմական գործողությունները պետք է անհապաղ դադարեցվեն։ Դիվանագիտական ճանապարհով ձեռք բերված առաջընթացը չպետք է վատնել։ ԵԱՀԿ Լեհաստանի նախագահությունը պատրաստ է նպաստել տևական խաղաղության հաստատմանը»,- ասվում է ԵԱՀԿ Լեհաստանի նախագահության թվիթերյան գրառման մեջ։
Հիշեցնենք՝ երեկ կեսգիշերին ադրբեջանական զինուժը լայնամասշտաբ ագրեսիա է ձեռնարկել ՀՀ սահմանների ուղղությամբ։ Իրավիճակը ժամը 14։00-ի դրությամբ որոշ ուղղություններով մնում է ծայրահեղ լարված․ հակառակորդը դիրքային առաջխաղացման փորձեր է իրականացնում 4 ուղղություններով՝ Ներքին Հանդի, Վերին Շորժայի, Արտանիշի և Սոթքի ուղղությամբ։
Թեև այսօր առավոտյան ՌԴ ԱԳՆ-ն հայտնել էր ժամը 10։00-ից հրադադարի մասին պայմանավորվածության մասին, սակայն հայկական կողմը պաշտոնապես չի հաստատել պայմանավորվածության փաստը, իսկ ՊՆ-ի վերջին հաղորդագրությունը ցույց է տալիս, որ հրադադարն առայժմ չի գործում։
Պաշտոնական տվյալներով՝ հայկական կողմն այս պահին 49 զոհ ունի։
Էմմա Չոբանյան
