20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Ադրբեջանը չի ուզում ՀՀ-ի հետ քննարկել Ղարաբաղի հարցը, դա համարում են իրենց ներքին հարցը․ Փաշինյան․ ՏԵՍԱՆՅՈՒԹ
Քաղաքականություն
13.09.2022 | 12:05
«Ադրբեջանը չի ուզում Հայաստանի հետ քննարկել ԼՂ-ի հարցը, քանի որ իրենց դիրքորոշումն այն է, որ Ղարաբաղի հարցը լուծված է, կամ էլ դա իրենց ներքին խնդիրն է, և չեն ուզում ՀՀ-ի հետ դա քննարկել։ Ազգային ժողովում իր ելույթի ժամանակ այս մասին հայտարարեց վարչապետ Նիկոլ Փաշինյանը՝ մանրամասներ ներկայացնելով բրյուսեյլան հանդիպումից։
«Սակայն պատմությունը սրանով չի ավարտվում. նախկինում էլ ասել ենք` Ադրբեջանի կողմից առաջարկած սկզբունքները, այդ թվում տարածքային ամբողջականության փոխադարձ ճանաչումը, մեզ համար ընդունելի է»,– ասաց Փաշինյանը։
Վարչապետը պարզաբանեց, թե Ադրբեջանն ինչ նկատի ունի տարածքային ամբողջականություն ասելով։ Այսինքն` Ադրբեջանը ՀՀ–ի տարածքային ամբողջականություն ասելով արդյոք նկատի է ունենում նաև այն տարածքները, որոնք 2021-ի մայիսին, կամ էլ Ղարաբաղյան առաջին պատերազմի ընթացքում օկուպացրել է։ Այս հարցը, ըստ Փաշինյանի, Ադրբեջանի կողմից միանշանակ արձագանք չի ստացել։
Փաշինյանի խոսքով՝ Ադրբեջանը նաև պահանջում է, որ ՀՀ-ն Ղարաբաղը ճանաչի որպես Ադրբեջանի մաս։
«Արդյոք այս երկու խնդիրներից հետո ենթադրվում է, որ Ադրբեջանը ՀՀ–ի նկատմամբ ոչ մի տարածքային պահանջ չի ունենալու։ Խոսակցության համատեքստում հնչում է, որ, այո, Ադրբեջանը ՀՀ-ի նկատմամբ տարածքային պահանջներ չունի։ Բայց երբ խոսակցություն է գնում դեմարկացիայի և դելիմիտացիայի գործընթացի մասին, ակնհայտ է դառնում, որ Ադրբեջանը պատրաստվում է գործընթացի համատեքստում որոշակի խնդիրներ բարձրաձայնել, իր ձևակերպմամբ` իբր ապօրինի ձևով ՀՀ-ին հանձնված որոշ տարածքների մասով»,- նշեց վարչապետը։
Փաշինյանը` հավելեց, որ նման խոսակցությունները սովորաբար սկսում են Նռնաձորով, շարունակվումեն Սյունիքով և ավարտվում են Երևանով․ «Բոլոր փաստերը վկայում են, որ սա հետևողական քաղաքականություն է Ադրբեջանի կողմից»։
Մանրամասները՝ տեսանյութում։
