15.04.2026 | 18:29
Թուրքիայում երկու հույն է ձերբակալվել՝ Սուրբ Սոֆիայի տաճարում քրիստոնեական կարգախոսով դրոշ ծածանելու համար
Այս ամենը Նիկոլ Փաշինյանի վարած քաղաքականության հետևանքն է. Իշխան Սաղաթելյան․ ՏԵՍԱՆՅՈՒԹ
Քաղաքականություն
13.09.2022 | 11:58
Ընդդիմադիր «Հայաստան» խմբակցությունը չի մասնակցի Ազգային ժողովում վարչապետ Նիկոլ Փաշինյանի հետ հանդիպմանը, լրագրողների հետ ճեպազրույցում այս մասին հայտնեց խմբակցության պատգամավոր Իշխան Սաղաթելյանը՝ սահմանին ստեղծված իրավիճակի մեղավորությունն ու պատասխանատվությունը դնելով գործող իշխանությունների վրա։
«Անձամբ Նիկոլ Փաշինյանն է իր վարած քաղաքականությամբ երկիրը բերել հասցրել էս իրավիճակին։ Չենք պատրաստվում մասնակցել հարցուպատասխանին, դա հերթական կրկեսն է լինելու, որևէ բան չի տալու»,- ասաց ընդդիմադիր պատգամավորը։
«Կա Ազգային ժողովում ներկայացված հայտարարության տեքստ։ «Հայաստան» խմբակցությունը հիմա մշակում է իր առաջարկությունները։ Կա՛մ ներկայացնելու ենք այլընտրանքային հայտարարության տեքստ, կա՛մ ներկայացված հայտարարության տեքստի մեջ առաջրկելու ենք փոփոխություններ, որտեղ պետք է հստակ լինի ամրագրված կետեր ստեղծված իրավիճակը և վարվող քաղաքականությունը փոխելու վերաբերյալ»,- նշեց Սաղաթելյանը։
Հարցին, թե չի՞ հաջողվել իշխանության հետ ընդհանուր հայտարարի գալ, Սաղաթելյանը պատասխանեց․ – «Իրենք ներկայացրել են հայտարարության տեքստ, էդ տեքստն ամբողջական չէ, չի արտացոլում իրավիճակն ամբողջապես։ Անհրաժեշտ են որոշակի կետեր, որոնք պարտադիր կերպով պետք է ներառվեն, որպեսզի լինի ամբողջական»։
Մանրամասները՝ տեսանյութում։
