06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Կոռուպցիոն հանցագործությունների մասին հնարավոր կլինի հայտնել անանուն․ փոփոխություններ՝ Ազդարարման մասին օրենքում․ ՏԵՍԱՆՅՈՒԹ
Հասարակություն
12.09.2022 | 11:32
Ազգային ժողովում քննարկվում են «Ազդարարման համակարգի մասին» և մի շարք այլ օրենքներում առաջարկվող փոփոխությունները: Նախատեսվում է հստակեցնել ազդարարներին տրվող պաշտպանության մեխանիզմները:
«Հատկապես շեշտադրումը կդնենք անանունության հանգամանքի վրա, որպեսզի մարդիկ կարողանան իրենց պաշտպանված զգալ: Շատ հաճախ նաև հարցումները ցույց են տալիս, որ ազդարարողները զերծ են մնում ազդարարումից, քանի որ վախենում են հնարավոր վենդետայից կամ ինչ-որ հետևանքներից»,- ներկայացնելով նախագծերի փաթեթը՝ընդգծեց ՀՀ արդարադատության նախարարի տեղակալ Երանուհի Թումանյանցը:
Նախագծի համաձայն՝ Կոռուպցիայի կանխարգելման հանձնաժողովն իր իրավասության շրջանակում կապահովի միասնական էլեկտրոնային հարթակ մուտքագրված յուրաքանչյուր ազդարարման հաշվառումը, քննարկումը, միջոցների ձեռնարկումը և անհրաժեշտության դեպքում՝ վարչական իրավախախտման վերաբերյալ վարույթի հարուցումը:
Կնախատեսվի ազդարարման նոր տեսակ՝ ազդարարում հանրությանը: Թումանյանցի խոսքով՝ նպատակ կա ստեղծել գործուն մեխանիզմներ կոռուպցիայի դեմ պայքարում՝ ապահովելով հասարակության իրազեկվածության բարձրացումը։
Մանրամասները՝ տեսանյութում։
