02.05.2024 | 14:53
Կյանքի պուրակի կառուցման աշխատանքներն ընթացքում են
Արայիկ Հարությունյանը մասնակցել է «Սթարմուս» 6-րդ միջազգային փառատոնը Երևանում» թեմայով նամականիշի մարման արարողությանը
09.09.2022 | 17:04
Վարչապետի աշխատակազմի ղեկավար Արայիկ Հարությունյանը Մարզահամերգային համալիրում մասնակցել է «Սթարմուս» 6-րդ միջազգային փառատոնը Երևանում» թեմայով նամականիշի մարման արարողությանը․ տեղեկացնում են ՀՀ կառավարությունից։
Նամականիշի վրա պատկերված է «STARMUS VI. 50 տարի Մարսի վրա» միջազգային փառատոնի լոգոտիպը, գեղաթերթիկի աջ հատվածում պատկերված է Մարս մոլորակը, իսկ ներքևի մասում տեղադրված է «ՍԹԱՐՄՈՒՍ VI Հայաստան, միջազգային փառատոն» գրառումը՝ հայերեն և անգլերեն լեզուներով:
Մարումն իրականացրել են Արայիկ Հարությունյանը, ՀՀ բարձր տեխնոլոգիական արդյունաբերության նախարար Ռոբերտ Խաչատրյանը, ՀՀ կրթության, գիտության, մշակույթի և սպորտի նախարար Վահրամ Դումանյանը, «Հայփոստ» ընկերության գլխավոր գործադիր տնօրենի պաշտոնակատար Արայիկ Աբրահամյանը, պրոֆեսոր, STARMUS VI փառատոնի հիմնադիր տնօրեն Գարիկ Իսրայելյանը և Ֆիլատելիստների հայկական ասոցիացիայի նախագահ Հովիկ Մուսայելյանը:
Արայիկ Հարությունյանը նախ բոլորին շնորհավորել է STARMUS VI փառատոնի կայացման առիթով և նշել, որ վերջին մեկ շաբաթվա ընթացքում STARMUS-ը Հայաստանում դարձել է հանրային կյանքի ամենակարևոր բաղադրիչը: «Այսօր շատերն են խոսում փառատոնի մասին, և մենք շատ ուրախ ենք, որ փառատոնը Հայաստանում գիտության զարգացման, արվեստի խրախուսման կարևոր գրավականներից մեկը դարձավ վերջին շաբաթվա ընթացքում: Կարծում եմ՝ մենք դեռ շատ երկար ժամանակ կզգանք STARMUS-ի բերած արդյունքները: Ես բազմիցս նշել եմ, որ նամականիշը պետականության կարևորագույն խորհրդանիշներից մեկն է: Այսօր մարելով և շրջանառության մեջ դնելով այս նամականիշը՝ մենք նշանավորում ենք STARMUS VI փառատոնի կարևորությունը Հայաստանում»,- ասել է Արայիկ Հարությունյանը:
