30.04.2026 | 16:46
Կհիմնվի տարածաշրջանի ամենահզոր սուպերհամակարգչային և տվյալների մշակման կենտրոնը
Ալբանիայում Իրանի դիվանագետները լքել են դեսպանատունը՝ երկու երկրների միջև դիվանագիտական հարաբերությունների խզումից հետո
Քաղաքականություն
08.09.2022 | 21:16
Ալբանիայում Իրանի դեսպանատան ողջ անձնակազմը լքել է դիվանագիտական ներկայացուցչության շենքը՝ երկու երկրների միջև դիվանագիտական հարաբերությունների խզումից հետո, հայտնում է Associated Press-ը։
Ալբանիան նախկինում մեղադրել է Իրանին ալբանական կառավարական գերատեսչության դեմ կիբերհարձակման փորձի մեջ և չորեքշաբթի խզել է դիվանագիտական հարաբերությունները Իսլամական Հանրապետության հետ՝ իրանցի դիվանագետներին մեկ օր ժամանակ տալով երկիրը լքելու համար:
Իրանի ԱԳՆ-ն դատապարտել է Ալբանիայի որոշումը՝ այն անվանելով անհեռատես, ինչպես նաև հայտարարել է, որ կիբերհարձակումների մեղադրանքները և Թեհրանի դեմ Տիրանայի ու երրորդ երկրների նախօրոք պատրաստված ծրագիրը անհիմն են։
«Դեսպանատան վերջին երկու մեքենաները, որոնք տեղափոխում էին մոտավորապես տասը ուղևորի, լքել են շենքը հինգշաբթի կեսօրին մոտ՝ գիշերվա ընթացքում շենքի ներսում ակտիվությունից հետո»,- ասվում է գործակալության հաղորդագրության մեջ։
Տաթև Ֆռանգյան
