09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Կառավարությունն 96 մլն դրամ հատկացրեց իրազեկման նոր հարթակ ստեղծելու համար
08.09.2022 | 15:06
Կառավարությունը որոշել է առցանց նոր հարթակ ստեղծել․ այն կոչվելու է «Պետական աջակցության ծրագրերի իրազեկման միասնական հարթակ»։
Հարցը ներառված էր կառավարության սեպտեմբերի 8-ի նիստի օրակարգում։ Վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի գործառույթներն ընդլայնվում են։ Կառավարության որոշմամբ ստեղծվելու է նոր հարթակ, որը հանարությանն իրազեկելու է գործադիր մարմնի կողմից իրականացվող ծրագրերի մասին։
«Միասնական հարթակը (կայք, հավելված) մատչելի և համակարգված կերպով քաղաքացիներին կմատուցի տեղեկատվություն պետական աջակցության բոլոր ծրագրերի/միջոցառումների վերաբերյալ։ Այն օպերատիվ կթարմացվի և կտեղեկացնի օգտատերերին նոր ծրագրերի մասին, ինչպես նաև՝ նախկին ծրագրերում կատարված փոփոխությունների մասին»,- ասված է որոշման հիմնավորումներում և նշված է, որ ՊՈԱԿ-ի աշխատակիցների թիվն ավելացվելու է։ Նախատեսվում է այս ծրագրի համար հատկացնել 96 միլիոն դրամ։
Նարեկ Կիրակոսյան
